गुरुग्राम – ज्येष्ठ काँग्रेस नेते आणि सोनिया गांधींचे माजी सल्लागार अहमद पटेल यांचे निधन झाले आहे. त्यांना ऑक्टोबर महिन्यात कोरोनाची लागण झाली होती. तेव्हापासून त्यांच्यावर उपचार सुरू होते. उपचारादरम्यान बुधवारी (दि. 25 नोव्हेंबर) पहाटे साडेतीन वाजण्याच्या सुमारास त्यांची प्राणज्योत मावळली. अहमद पटेल यांचा मुलगा फैजल पटेल याने ट्विटरवरून याबाबत माहिती दिली.
अहमद पटेल यांचा मुलगा फैजल पटेल यांनी ट्विट करत सांगितले की, आज पहाटे 3 वाजून 30 मिनिटांनी वडील अहमद पटेल यांचे निधन झाले आहे. त्यांना एका महिन्यापूर्वी कोरोनाची लागण झाली होती. उपचारादरम्यान त्यांच्या अनेक अवयवांनी एकाच वेळी काम करणे बंद केल्यानंतर त्यांच्या शरीराचे अनेक अवयव निकामी होत गेल्यामुळे त्यांची प्रकृती आणखी खालावली आणि त्यांची प्राणज्योत मालवली.
त्यांच्या आत्म्यास शांती मिळो. तुम्हा सर्वांना मी आवाहन करतो की, कोरोनाच्या गाइडलाइन्सचे पालन करा, गर्दीच्या ठिकाणी जाऊ नका आणि सोशल डिस्टन्सिंगचे पालन करा असेही फैजल पटेल म्हणाले.
1 ऑक्टोबरला अहमद पटेल यांनी एक ट्विट करून कोरोना पॉझिटिव्ह असल्याची माहिती दिली. त्यानंतर काँग्रेसचे दिग्गज नेते अहमद पटेल म्हणाले की, मी कोरोना पॉझिटिव्ह झालो आहे, माझी विनंती आहे की जे माझ्याशी जवळचे संपर्क साधतात त्यांनी स्वत: ला आइसोलेट करावे.
महत्वाच्या बातम्या
- ‘…तर केंद्र सरकार राज्यात राष्ट्रपती राजवट लागू करू शकते’; प्रकाश आंबेडकरांचा हल्लाबोल
- ‘आता मी आलोय साहेब, येणाऱ्यांची मालिका फार मोठी आहे’; राष्ट्रवादीत परतल्यानंतर गायकवाडांची गर्जना
- ‘दानवे खासदार असल्याचं माहित आहे पण त्यांना ज्योतिषशास्त्र देखील कळतं याची कल्पना नव्हती’
- प्रताप सरनाईक यांच्यावर जो इडीचा छापा पडला त्यात भाजपचा कोणताही हात नाही : पाटील
- लस कधी येणार हे सांगू शकत नाही, पण ती सर्वांना उपलब्ध करून देणार – नरेंद्र मोदी
