अमरावती : कोरोना साथीने विविध क्षेत्रांसह शिक्षण क्षेत्रापुढेही अडचणी उभ्या केल्या. या पार्श्वभूमीवर समाजाच्या सर्वांगीण विकासासाठी सर्वसमावेशक शिक्षण व्यवस्था निर्माण करून गुणवत्तापूर्ण, रोजगारक्षम, व्यवसायाभिमुख शिक्षण देण्याची गरज आहे. त्या अनुषंगाने राष्ट्रीय शैक्षणिक धोरण 2020 ची परिणामकारक अंमलबजावणी करावी, असे निर्देश राज्याचे शालेय शिक्षण राज्यमंत्री बच्चू कडू यांनी आज येथे दिले.
राष्ट्रीय शैक्षणिक धोरण 2020 च्या परिणामकारक अंमलबजावणीसाठी अमरावती जिल्हा शिक्षण व प्रशिक्षण संस्थेतर्फे आभासी पद्धतीने आयोजित तीन दिवसीय कार्यशाळेचा शुभारंभ शालेय शिक्षण राज्यमंत्री बच्चू कडू यांच्या हस्ते झाला, त्यावेळी ते बोलत होते.
राज्यमंत्री बच्चू कडू म्हणाले की, शेती, उद्योग व इतर विविध व्यवसायासंबंधित कौशल्यांचा शिक्षणात समावेश असणे आवश्यक आहे. विद्यार्थी शिकत असताना त्याचा कल जाणून त्यापद्धतीने शिक्षण देऊन, त्यानुसार कौशल्य विकसित करून त्यांना घडवावे लागेल. ग्रामीण भागातील विद्यार्थ्यांच्या अंगी मोठी गुणवत्ता असते. पण पारंपरिक शिक्षणाने ती समोर येत नाही. त्यामुळे अशी गुणवत्ता शोधून त्यांच्या विकासासाठी बळ पुरविण्यासाठी स्वतंत्र उपक्रम शालेय शिक्षण विभागातर्फे हाती घेण्यात येईल, असेही शिक्षण राज्यमंत्र्यांनी सांगितले.
शिक्षणातील विषमता दरी दूर करणे व सर्वांना समान संधी उपलब्ध करत देशात प्रज्ञावंत समाज व ज्ञान महासत्ता घडविणे, प्रत्येक विद्यार्थ्यांच्या वेगळ्या क्षमता पुढे आणणे हा धोरणाचा उद्देश आहे. प्रत्येक विद्यार्थी शिकण्याची व उत्कृष्ट कौशल्य प्राप्त करून घेण्याची संधी मिळवून देण्यासाठी व त्यानुरूप एक ज्ञानार्जनाची सर्वसमावेशक व्यवस्था उभी राहण्यासाठी प्रत्येकाने योगदान द्यावे, असे आवाहनही शिक्षण राज्यमंत्री बच्चू कडू यांनी यावेळी केले.
महत्वाच्या बातम्या
- आथिया सोबतच्या चर्चांना पूर्णविराम देत केएल राहुलने दिली प्रेमाची कबुली
- शरद पवार साहेबांच्या चेल्यांनी सहकार चळवळीचे श्राद्ध केले – आ.सदाभाऊ खोत
- ‘आघाडीतील नेत्यांनी आपल्या जिभेला लगाम घालावा’ ; गोटेंनी दिला घरचा आहेर
- मोदी सरकारने झोपेचे सोंग घेतल्याने जनता त्रस्त, अशोक चव्हाणांचा नांदेडमध्ये हल्लाबोल
- सिमेंट उद्योगातील कामगारांना नवीन किमान वेतनश्रेणी लागू करण्यास मान्यता !
