मुंबई : न्यूझीलंडविरुद्धच्या मुंबई कसोटी सामन्यात सामनावीर ठरल्यानंतर भारतीय संघाचा सलामीवीर मयंक अग्रवालने प्रतिक्रिया दिली आहे. पहिल्या डावातील आपले शतक अतिशय खास असल्याचे सांगून त्याने प्रशिक्षक राहुल द्रविडच्या सल्ल्याने खूप फायदा झाल्याचे सांगितले आहे.
मुंबई कसोटी सामन्याच्या पहिल्या डावात मयंक अग्रवालने 150 धावा केल्या. त्याने 311 चेंडूत 17 चौकार आणि 4 षटकारांच्या मदतीने 150 धावा केल्या. याशिवाय त्याने दुसऱ्या डावातही 62 धावा केल्या आणि त्यामुळेच त्याला सामनावीर म्हणून गौरवण्यात आले.
त्याच्या या जबरदस्त खेळीवर मयंक अग्रवालने मोठी प्रतिक्रिया दिली आहे. तो सामना संपल्यानंतर म्हणाला, ‘ही खेळी माझ्यासाठी खूप खास आहे. या कसोटी सामन्यात मी कानपूरपेक्षा वेगळे काही केले नाही. मी फक्त मानसिक शिस्त आणि जिद्द दाखवली. तंत्रज्ञान तुमच्यासाठी नेहमीच काम करत नाही, परंतु तुमच्यात लढण्याची भावना असली पाहिजे. राहुल भाई मला म्हणाले की मालिकेच्या मध्यभागी तुझ्या तंत्राचा विचार करू नकोस. त्यांनी मला सांगितले की, या तंत्राच्या आधारे तू धावा केल्या. त्याचवेळी सुनील गावस्कर सरांनी मला खूप महत्त्वाचा सल्ला दिला. आता मला दक्षिण आफ्रिका दौऱ्यावर चांगली कामगिरी करायची आहे.’
भारतीय संघाने मुंबई कसोटी सामन्यात न्यूझीलंडचा ३७२ धावांनी पराभव केला. विजयासाठी 540 धावांच्या विशाल लक्ष्याचा पाठलाग करताना न्यूझीलंडचा संघ दुसऱ्या डावात 56.3 षटकात केवळ 167 धावांत आटोपला. भारताने पहिल्या डावात 325 धावा केल्या होत्या, याला प्रत्युत्तरात न्यूझीलंडचा संघ अवघ्या 67 धावांवर आटोपला. भारताने दुसरा डाव २७६/७ धावांवर घोषित केला.
महत्वाच्या बातम्या :
भारताचा विजय! न्यूझीलंडचा पराभव करत टीम इंडियाने कसोटीसह जिंकली मालिका
लवरकरच जाहीर होणार द. आफ्रिका दौऱ्यासाठीचा भारतीय संघ; रहाणेला मिळणार डच्चू
‘आमच्यासाठी पुनरागमन करणे अवघड पण..,’ न्यूझीलंडच्या खेळाडूचे विधान
रविचंद्रन अश्विनचा मोठा विक्रम; रिचर्ड हेडलीशी केली बरोबरी
न्यूझीलंडचा फिरकीपटू एजाज पटेलच्या ‘त्या’ विक्रमावर शरद पवारांची प्रतिक्रिया, म्हणाले..
