मुंबई: भारत आणि न्यूझीलंड यांच्यातील दोन सामन्यांच्या मालिकेतील दुसरा आणि शेवटचा कसोटी सामना वानखेडे स्टेडियमवर खेळवला जात आहे. या सामन्याच्या दुसऱ्या दिवशी न्यूझीलंडचा फिरकीपटू एजाज पटेलने कसोटी क्रिकेटच्या एका डावात १० बळी घेण्याचा विक्रम केला. त्याच्या या कामगिरीवरच राष्ट्रवादीचे अध्यक्ष शरद पवार(Sharad Pawar) यांनी ट्वीट करत एजाज पटेलचे (Ajaz Patel)कौतुक केले आहे.
‘कसोटीत एकाच डावात दहा बळी मिळवण्याची दमदार कामगिरी केल्याबद्दल एजाज पटेलचे अभिनंदन. मुंबईत जन्मलेला आणि आता न्यूझीलंड क्रिकेट संघाचा भाग असल्यामुळे आपल्याला अभिमानाची भावना आहे. अशी कामगिरी करणारा एजाज पटेल कसोटी क्रिकेटमधील तिसरा क्रिकेटपटू ठरला आहे.’ असे ट्वीट करत शरद पवार यांनी त्याचे कौतुक केले आहे.
Congratulations Ajaz Patel on your remarkable achievement of taking 10 wickets in an innings of a Test Match.
Born in Mumbai and now part of New Zealand Cricket team gives us a sense of pride as you are only the 3rd cricketer to do so in Test Cricket.— Sharad Pawar (@PawarSpeaks) December 4, 2021
दरम्यान एजाजने १० बळी घेत अनिल कुंबळेच्या विक्रमाची बरोबरी साधली आहे. एजाजच्या या विक्रमानंतर अनिल कुंबळे यांनीही आपली प्रतिक्रिया दिली आहे. कुंबळेने ट्वीट करत एजाजचे अभिनंदन केले. तो म्हणाला. ‘एजाज तुझं क्लबमध्ये स्वागत आहे. पर्फेक्ट १०. कसोटी सामन्याच्या पहिल्या आणि दुसऱ्या दिवशी अशी कामगिरी साध्य करण्यासाठी खूप प्रयत्न करावे लागतात’.
महत्वाच्या बातम्या
- ममता बॅनर्जी आल्या व महाराष्ट्रात वादळ निर्माण करून गेल्या- संजय राऊत
- ‘मुंबईला ओरबाडून ज्यांना आपली राज्ये विकसित करायची आहेत त्या राज्यांचा विकास म्हणजे तात्पुरती सूज’
- ‘… पण महाराष्ट्राप्रमाणेच बंगाल झुकणार नाही’, ममता बॅनर्जींचा इशारा
- ‘…आता राजकारणाची सूत्रे हाती घ्यायला हवीत’, आदित्य ठाकरेंना बॅनर्जींचा सल्ला
- …तेव्हा काश्मीरमध्ये शांतता होती का?- अमित शहा
