औरंगाबादेत शिवसेनेच्या माजी महापौरांच्या कन्येची कौतुकास्पद कामगिरी, युपीएससी परिक्षेत ५१९ वा रँक!

🕒 1 min read

औरंगाबाद : शिवसेनेचे माजी महापौर विकास जैन व माजी नगरसेविका अल्पा जैन यांची कन्या ऊर्जा जैन ही यूपीएससी परीक्षा उत्तीर्ण झाली आहे. देशातून तिने ५१९ वा क्रमांक मिळवला असून, या यशाबद्दल तिचे सर्वत्र कौतुक होत आहे. उर्जासोबतच शहरातील सर्वसामान्य कुटुंबातील येथील रहिवासी अनिकेत कुलकर्णी यांनीदेखील यूपीएससी परीक्षेत उत्तीर्ण होण्याचा मान मिळवला आहे. शहरात दोघांवरही कौतुकाचा वर्षाव होतांना दिसून येत आहे.

औरंगाबाद येथील रहिवासी असलेली ऊर्जा विकास जैन हिचे शालेय शिक्षण नाथव्हॅलीमध्ये झाले आहे. मुंबईतील सोफिया महाविद्यालयात तिने अर्थशास्त्र विषयातून कला शाखेची पदवी घेतली. त्यानंतर लोकसेवा आयोगाच्या परीक्षेसाठी तिने अर्थशास्त्र हा विषय घेतला. ऑक्टोबर २०२० मध्ये लोकसेवा आयोगाची मुख्य परीक्षा दिली. शुक्रवारी या परीक्षेचा निकाल जाहीर झाला. तिसऱ्या प्रयत्नात ऊर्जा जैन हिने हे यश मिळवले आहे. देशातून तिने ५१९ वा क्रमांक पटकवला आहे.

शिवसेनेचे माजी महापौर तथा वेदांतनगर वॉर्डाचे माजी नगरसेवक विकास जैन व माजी नगरसेविका अल्पा जैन यांची ती कन्या आहे. या यशाबद्दल तिचे सर्वत्र कौतूक होत आहे. शिवसेनेच्या वतीने रोहयो मंत्री संदिपान भुमरे, शिवसेना नेते चंद्रकांत खैरे, शिवसेना प्रवक्ते आमदार अंबादास दानवे यांनी अनिकेत कुलकर्णीचा सत्कार करून त्याचे अभिनंदन केले. तसेच या यशामुळे औरंगाबाद शहराच्या इतिहासात पुन्हा एकदा मानाचा तुरा रोवला गेला असून अनिकेत कुलकर्णी, उर्जा जैन यांचे कौतुक करून पुढील यशस्वी कारकिर्दीसाठी शुभेच्छा दिल्या.

महत्त्वाच्या बातम्या

• ‘संज्या ते पवार कुटुंब; वाढदिवसाच्या शुभेच्छा ही देतील आणि पाठीमागे तिरडी सुद्धा बांधतील’
• प्रभू श्रीराम संपूर्ण जगाचे, फक्त भाजपा किंवा आरएसएसचे नाही- फारूख अब्दुल्ला
• बँक विलीनीकरणाच्या प्रक्रियेवर अर्थमंत्री निर्मला सीतारामन खुश, म्हणाल्या…‘
• उद्याचा भारत बंद सर्वसामान्यांचा हक्क मारणाऱ्या मोदी सरकार विरोधात-नाना पटोले
• …तर मोदीही सांगतील मी संजय राऊत यांच्या समोरच राहतो’; राऊतांची मिश्किल टिपण्णी