न्हावरेतील घटनेचा तपास गांभीर्याने करण्याची आढळराव पाटील यांची मागणी

🕒 1 min read

पुणे- न्हावरे, ता.शिरूर येथील शेतमजूर महिलेवर अज्ञात गुन्हेगाराकडून झालेल्या हल्ल्यात त्या महिलेचा एक डोळा काढण्याची व दुसरा डोळा निकामी झाल्याची घटना अत्यंत दुर्दैवी आहे. या घटनेचा तपास पोलीस यंत्रणेने गांभीर्याने करावा, तसेच तपासाकामी ग्रामस्थांनी देखील पोलिसांना सहकार्य करावे, असे आवाहन माजी खासदार शिवाजीराव आढळराव पाटील यांनी केले.

न्हावरे येथे  माजी खासदार आढळराव यांनी पिडीतेच्या कुटुंबीयांची भेट घेऊन त्यांना आधार दिला. यावेळी आढळराव यांनी  कुटुंबियांना उपचारासाठी दहा हजार रुपयांची आर्थिक मदत दिली. यावेळी आढळराव पाटील म्हणाले की, या घटनेच्या संदर्भात मी मुख्यमंत्री उद्धव  ठाकरे यांच्याशी बोललो असून, घडलेली सर्व घटना त्यांच्या कानावर घातली आहे. तसेच चित्रे कुटुंबाला शासनाकडून मदत मिळवून देण्यासाठी आपण प्रयत्न करणार आहे.

याप्रसंगी शिवसेनेचे जिल्हाप्रमुख ज्ञानेश्वर कटके, जिल्हा परिषदेचेमाजी उपाध्यक्ष अरुण गिरे, शिवसेनेचे तालुकाप्रमुख सुधीर फराटे, जिल्हा सल्लागार अनिल काशिद, उपजिल्हाप्रमुख पोपट शेलार,दत्ता गिलबिले, आनंद हजारे, अनिल पवार, अल्पसंख्याक महिला आघाडीच्या रेश्मा पठाण, उपाध्यक्षा अंजना राऊत,दीपक कोकडे, शहाजी जाधव, नगरसेवक संजय देशमुख, किरण नवले, नाना सुर्यवंशी, राष्ट्रवादी महिला काँग्रेसच्या जिल्हा उपाध्यक्षा मीनाक्षी कोरेकर, सुमन वाळुज, मंगल पवार, जनाबाई ठोंबरे, वैशाली चव्हाण उपस्थित होते.

महत्वाच्या बातम्या 

• ‘कोण आला रे कोण आला आरपीआय चा वाघ आला’
• गानसम्राज्ञी लता मंगेशकर यांचे देखील मुख्यमंत्र्यांनच्या आवाहनाला समर्थन  
• खडसे माघार घ्या, अन्यथा राष्ट्रवादीला याचे परिणाम भोगावे लागतील; ब्राह्मण महासंघाचा इशारा
• ‘गोस्वामी यांच्या जीविताला काही धोका झाल्यास, त्याची जबाबदारी महाआघाडी सरकारची राहिल’
• राज्य सरकारने शिवाजी महाराजांचे नाव घेऊन त्यांना बदनाम करु नये- नारायण राणे