बीड येथे वाळू माफियांवर कारवाई; ५० ब्रास वाळूसह दोन बोटी जप्त

बीड: अवैध वाळू उपसा जिल्ह्यात अनेक ठिकाणी सुरूच असतो तसेच वाळू माफियांचीही संख्या वाढतच आहे. अशातच तालुक्यातील सुर्डी शिवारात छापा मारून जिल्हा गौण, खनिकर्म विभागाने अवैध वाळू उपसा करणाऱ्यांवर कारवाई करत त्यांन अटक करण्यात आली असून ५० ब्रास वाळू, एक मोठी व एक छोटी बोट, सक्षन पंप बुधवारी जप्त केला होते, याच परिसरात मुरूमाचेही उत्खनन करणारे पोकलेन, चार हायवा टिपर आढळून आल्याने या पथकाने वाहने जप्त करून तहसील कार्यालयात आणून लावली आहेत.

मांजरा नदीत पाणी साठा मोठ्या प्रमाणावर असल्याने वाळू माफियांनी एक मोठी व एक छोटी बोट आणून बोटीच्या मदतीने आणि सक्षन पंपाने वाळू उपसा करून नदीच्या कडेला साठा केला जात होता. त्यामुळे माळेगावचे उपसरपंच शरद दोडके यांनी जिल्हा गौण खनिकर्म विभागाकडे तक्रार केली होती. त्यानुसार बुधवारी दुपारी जिल्हा खनिज अधिकारी पी. एस. अर्सूल, माजलगावचे तहसीलदार वैशाली पाटील, जिल्हा गौण खनिकर्म विभागाचे अव्वल कारकून हर्षद कांबळे यांच्या पथकाने सुर्डी येथे छापा मारला.

पथकाने कारवाई करत ५० ब्रास वाळू, दोन बोटी व सक्षन पंप जप्त केला. दरम्यान, ही कारवाई सुरू असताना याच परिसरात विना परवाना मुरूम उत्खनन सुरू होते. या वेळी पथकाने या ठिकाणी छापा मारून चार हायवा टिपर, एक पोकलेन मशीन आढळून आल्याने ते जप्त केले. त्यानंतर केज येथील तहसील कार्यालयात आणून लावले. या कारवाईमुळे वाळू उपसा करणारे आणि मुरूम उत्खनन करणाऱ्या माफियांमध्ये खळबळ उडाली आहे.

महत्वाच्या बातम्या 

• ‘उपमुख्यमंत्रीपद गेल्यावर नारळ पाणी विकणारा पण येणार नाही तुमच्याकडे’
• ‘एकच प्याला’साठी तोबा गर्दी; शेवटी बोलवावे लागले पोलीस
• ‘भारतीयांनो एकत्र राहा संघर्षाच्या या काळात फ्रान्स तुमच्यासोबत’
• लसीकरण उत्सव! डोस उपलब्ध होताच जालन्यात पुन्हा लसीकरणास सुरुवात
• मिशन झीरो डेथने घेतला वेग; केज तालुक्यात १२०० शिक्षकांची केली नियुक्ती