🕒 1 min read
नांदेड : ढूँडनेसे तोह खुदा भी मिल जाता है, आदमी क्या चीज हैl थेरबन येथील खून प्रकरणात १४ वर्षापासून फरार असलेल्या आरोपीस भोकर पोलिसांनी दि.२ एप्रिल रोजी मोठ्या शिताफीने गजाआड केले आहे. तालुक्यातील थेरबन येथे दि.१२ एप्रिल २००७ रोजी सायंकाळी आरोपी नारायण संभा दांडेकर, संभा अर्जून दांडेकर, बाळू ऊर्फ परमेश्वर दांडेकर व विश्वांभर अर्जून दांडेकर या चौघांनी संगनमत करुन घराजवळील रिकाम्या जागेच्या वादातून रामा सायन्ना आंबलवाड यांना चाकू, काठ्याने मारहाण करुन जिवे मारले व बालाजी व लक्ष्मण यांना गंभीर जखमी केले होते.
तसेच भांडण सोडविण्यासाठी आलेल्या परसराम जळबा कोलंकू यांनाही जखमी केले होते. या प्रकरणी आरोपींविरूध्द भोकर पोलिसात खुनाचा गुन्हा नोंदविण्यात आला होता. या प्रकरणातील तिघांना पोलिसांनी अटक करुन दि. ३० जून २००७ रोजी आरोपींविरुद्ध न्यायालयात दोषारोपपत्र दाखल केले होते. यातील आरोपी विश्वांभर अर्जून दांडेकर हा गुन्हा घडल्यापासून फरार होता. पोलीस आरोपीच्या शोधात होते. परंतु आरोपी नेहमी पोलिसांना हुलकावणी देत होता.
२ एप्रिल रोजी फरार आरोपी सोमठाणा येथे येत असल्याची माहिती पोलिसांना कळाल्यावर पोलीस निरीक्षक विकास पाटील यांच्या मार्गदर्शनाखाली पोलीस उपनिरीक्षक अनिल कांबळे,पोहेकॉ केंद्रे, मुधोळे, जेंकुट, सरोदे यांच्या पथकाने शुक्रवारी, २ एप्रिल रोजी मोठया शिताफीने विश्वांभर दांडेकर याला गजाआड करून न्यायालयात हजर केले असता आरोपीला न्यायालयीन कोठडी देण्यात आली आहे.
महत्वाच्या बातम्या
- नांदेड जिल्हा; कोरोना रुग्णांना लूटणाऱ्या खासगी लॅबला जिल्हाधिकाऱ्यांचा दणका
- ‘मास्क वापरला तर ब्युटी पार्लर कसे चालणार ?’ आसामच्या आरोग्य मंत्र्यांच अजब विधान
- सीएसकेसाठी धोनी जोरदार पुनरागमन करेल का? यावेळी आव्हान मोठे
- मे अखेरपर्यंत देशभरात कोरोनाचा हाहाकार, इंडियन इन्स्टिट्यूट ऑफ सायन्सनं सांगितलं ‘इतकी’ असेल रुग्णसंख्या
- कोरोनाच्या पार्श्वभूमीवर पंतप्रधान मोदींनी बोलावली उच्चस्तरीय बैठक; आणखी कडक निर्बंध लागणार?
