Himachal Pradesh Election Result | हिमाचल प्रदेशमध्ये काँग्रेसला ‘ऑपरेशन लोटस’ची भीती, घेतला ‘हा’ निर्णय

🕒 1 min read

Himachal Pradesh Election Result | हिमाचल प्रदेशमध्ये भाजप आणि काँग्रेसमध्ये काटे की टक्कर होत आहे. आतापर्यंत भाजप २६ जागांवर तर काँग्रेस ३८ जागांवर आघाडीवर आहेत. हिमाचल प्रदेशचे मुख्यमंत्री आणि भाजपचे उमेदवार जयराम ठाकूर सेराज मतदारसंघातून विजयी झाले आहेत. आज दुपारपर्यंत नव्या सरकारबाबत निवडणुकीचे चित्र स्पष्ट होईल, अशी अपेक्षा आहे. सध्या भाजप आणि काँग्रेस हे दोन्ही पक्ष आपापल्या विजयाचा दावा करत आहेत. मात्र काँग्रेसला भाजपकडून ऑपरेशन लोटसची भीती वाटत आहे.

ऑपरेशन लोटस रोखण्यासाठी प्रियंका गांधी देखील शिमल्यात दाखल झाल्या आहेत. तर सोनिया गांधी जयपुरमध्ये आहे. भाजप आपल्या विजयी आमदारांची शिकार करू शकते, अशी भीती काँग्रेसला आहे, ही भीती आणि ‘ऑपरेशन लोटस’ लक्षात घेऊन काँग्रेसने हिमाचल प्रदेशातील आमदारांना राजस्थानला पाठवण्याची योजना आखली आहे. सूत्रांनी दिलेल्या माहितीनुसार, छत्तीसगडचे मुख्यमंत्री भूपेश बघेल आणि ज्येष्ठ नेते भूपिंदर सिंग हुड्डा यांच्यावर जबाबदारी सोपवण्यात आली आहे.

हिमाचल प्रदेशमध्ये १९८५ पासून कोणत्याही पक्षाने सलग दोन विधानसभा निवडणुका जिंकलेल्या नाहीत. या डोंगराळ राज्यात भारतीय जनता पक्षाची सत्ता राहिली तर तो विक्रम ठरेल. दरम्यान भाजप नेते विनोद तावडे सध्या शिमला येथे तळ ठोकून आहेत.

महत्वाच्या बातम्या : 

• Gujarat Election Result | गुजरातमध्ये भाजपला मत विभागणीचा फायदा मिळाला – जयंत पाटील
• Sara Ali Khan | ‘लाईफ इन मेट्रो’च्या सिक्वेलमध्ये सारा अली खान आणि ‘हा’ अभिनेता दिसणार मुख्य भूमिकेत
• Himachal Pradesh Election Result | हिमाचल प्रदेशमध्ये भाजप आणि काँग्रेसमध्ये काटे की टक्कर! काँग्रेस आघाडीवर
• Amol Mitkari | “विजय शिवतारे यांना मेंटल हॉस्पिटलमध्ये…”; अमोल मिटकरींचा घणाघात 
• Tecno Pova 4 | उत्कृष्ट फीचर्ससह लाँच झाला टेक्नोचा Tecno Pova 4 मोबाईल