Nana Patole | “मंत्री मंगल प्रभात लोढा यांचा राजीनामा घ्या”; नाना पटोलेंची आक्रमक भूमिका 

🕒 1 min read

Nana Patole | मुंबई : मंगल प्रभात लोढा (Mangal Prabhat Lodha) यांनी प्रतापगड येथे मुख्यमंत्री एकनाथ शिंदे (Eknath Shinde) यांच्या बंडाची तुलना थेट छत्रपती शिवाजी महाराजांच्या आग्र्याहून सुटकेशी केली होती. यावरुन राजकीय वातावरण तापलं असून विरोधकांनी लोढा यांना धारेवर धरलं आहे. अशातच काँग्रेस प्रदेशाध्यक्ष नाना पटोले (Nana Patole) यांनी मंत्री मंगल प्रभात लोढा यांच्या राजीनाम्याची मागणी केली आहे.

“छत्रपती शिवाजी महाराजांची प्रतिमा अरबी समुद्रात बनवण्याचा दिखावा यांनी केला. तर दुसरीकडे सतत त्यांचा अवमान करायचा अधिकार त्यांना कोणी दिला?”, असा सवाल नाना पटोलेंनी केलाय. असली इंग्रज पद्धत आता महाराष्ट्र सहन करणार नाही. शिवरायांचा अपमान करणाऱ्यांना आता माफी नाही. शिवरायांबाबत आक्षेपार्ह विधान करणाऱ्यांनी राजीनामा द्यावा, असा इशारा त्यांनी दिलाय.

पुढे ते म्हणाले, “छत्रपती शिवाजी महाराज यांची प्रतिमा भाजपाच्या वतीने मलीन केली जात आहे. पण त्याने काहीही फरक पडणार नाही, उलट त्यांचं तेज अजून वाढत आहे. त्यांनी कितीही अवमान केला तरीही शिवरायांचा विचार संपणार नाही. माझं आवाहन आहे की महाराजांच्या विचारांनी प्रेरित असलेल्या आमदारांनी स्वाभिमान असेल तर राजीनामे दिले पाहिजेत.”

नेमकं काय म्हणालेत लोढा?

मंगल प्रभात लोढा यांनी एकनाथ शिंदे यांच्या बंडांची तुलना छत्रपती शिवाजी महाराज यांची आग्रा सुटकेशी केली आहे. शिवराय आग्रामधून बाहेर पडले तसे शिंदे बाहेर पडले, असे लोढा म्हणाले. औरंगजेबाने शिवरायांना रोखलं तसे एकनाथ शिंदे यांनी देखील कोणीतरी रोखलं होतं. शिवराय स्वराज्यासाठी बाहेर पडले एकनाथ शिंदे महाराष्ट्रसाठी बाहेर पडले, असे वक्तव्य मंगल प्रभात लोढा यांनी केले आहे.

महत्वाच्या बातम्या :

• Sanjay Gaikwad | एकनाथ शिंदेंच्या बंडाची तुलना शिवरायांच्या गनिमी काव्याशी, संजय गायकवाड यांचं वक्तव्य वादात
• Ravi Rana | “काँग्रेसच्या वतीने उद्धव ठाकरे माफी मागणार का?”; ‘त्या’ प्रकरणावरुन रवी राणा यांचा सवाल
• Navneet Rana | “…तर मला अभिमान वाटेल!”, उद्धव ठाकरेंच्या ‘त्या’ विधानाला नवनीत राणांची सहमती
• Jitendra Awhad | “जेम्स लेनचं समर्थन करणाऱ्यांची माफी म्हणजे…” ; जितेंद्र आव्हाडांचा राज ठाकरेंवर पलटवार!
• Hair Care Tips | हिवाळ्यामध्ये केस गळतीच्या समस्येपासून त्रस्त आहात?, तर करा ‘हे’ घरगुती उपाय