Eknath Shinde : एकनाथ शिंदे यांचा पक्षप्रमुखाबरोबरच पक्षाध्यक्षाचाही दावा

🕒 1 min read

मुंबई : अंधेरी पूर्व मतदारसंघाची पोटनिवडणूक जसजशी जवळ येत आहे, तसतशी शिवसेनेतील ‘धनुष्यबाण’ची लढाई तीव्र होताना दिसत आहे. मुख्यमंत्री एकनाथ शिंदे यांनी निवडणूक आयोगाला पत्र लिहून त्यांच्या गटाला तातडीने निवडणूक चिन्ह वाटप करण्याची विनंती केल्याची माहिती समोर येत आहे. त्याचवेळी उद्धव ठाकरे यांच्या नेतृत्वाखालील शिवसेना या चिन्हाचा वापर करू शकते, असे त्यांचे म्हणणे आहे. याचिकेत शिंदे यांनी आगामी पोटनिवडणुकीसाठी चिन्ह आवश्यक असल्याचे म्हटले आहे.

ठाकरे गट “बेकायदेशीरपणे उमेदवार उभे करण्याचा प्रयत्न करेल आणि SSPP ला दिलेल्या चिन्हावर दावा करेल” असा आरोप शिंदेंनी केला आहे. या परिस्थितीत तातडीने सुनावणी होऊन शिवसेना पक्षाचे ‘धनुष्यबाण’ चिन्ह याचिकाकर्त्याच्या नेतृत्वाखालील शिंदे गटाला देण्यात यावे, असे ते म्हणाले. पक्ष आमचाच असल्याचा दावा दोन्ही गटाकडून करण्यात येत आहे.

“धनुष्यबाण आमचाच आणि पक्षही आमचाच” असं दोन्ही गट सांगत आहेत. ही लढाई सुरु असतानाच मुख्यमंत्री एकनाथ शिंदे यांनी निवडणूक आयोगाकडे एक प्रतिज्ञापत्र सादर केलं आहे. यामध्ये त्यांनी पक्षप्रमुखाबरोबरच पक्षाध्यक्षाचाही दावा केला आहे. चिन्हाबाबतची सुनवाई पुढे ढकलण्यात आली असून आज शिवसेनेला पुरावे सादर करण्याची शेवटची तारीख देण्यात आली आहे.

दरम्यान, ३ नोव्हेंबर रोजी होणाऱ्या पोटनिवडणुकीत दिवंगत आमदार रमेश लट्टे यांच्या पत्नी रुतुजा लट्टे यांना उमेदवारी देण्याचा निर्णय ठाकरे यांनी घेतला आहे. पक्षाच्या चिन्हाबाबत आम्ही शुक्रवारी निवडणूक आयोगाला भेटणार आहोत, असे लोकसभेतील शिंदे गटाचे नेते राहुल शेवाळे यांनी एका वृत्तसंस्थेला माहिती देताना सांगितले. ‘खरी शिवसेना’ कोण? याचे उत्तर फक्त निवडणूक आयोगाकडे आहे. आयोगाकडून अद्याप काहीही सांगण्यात आलेले नाही, मात्र मुख्य निवडणूक आयुक्त राजीव कुमार यांनी ‘बहुमत नियम’च्या आधारे निर्णय घेणार असल्याचे संकेत दिले आहेत.

महत्वाच्या बातम्या :

• Ram Setu | अक्षय कुमारच्या ‘राम सेतू’ चित्रपटाचे नवीन पोस्टर रिलीज
• Devendra Fadnavis | “एकनाथ शिंदेंशी तुमचं पटत नसेल, पण…”; उद्धव ठाकरेंच्या ‘त्या’ वक्तव्यावर फडणवीसांची नाराजी
• Shri Krishna Idol stolen | तब्बल ३०० वर्षांपूर्वीची श्रीकृष्णाची मूर्ती चोरीला
• Sudhir Mungantiwar । “तुमच्या कुटुंबातील लोक जर मंचावर बसत असतील तर…”; मुनगंटीवारांचा ठाकरेंना सल्ला
• Viral Video | ‘या’ लहान बाळाने पक्षाला चमच्याने भरवले आईस्क्रीम, पाहा व्हिडिओ