Wimbledon 2022 Final : चॅम्पियन जोकर..! नोव्हाक जोकोविचनं पटकावलं सातवं विम्बल्डन जेतेपद

🕒 1 min read

मुंबई : सर्बियन टेनिसपटू नोव्हाक जोकोविचने विम्बल्डन (Wimbledon 2022 Final) पुरुष एकेरीचे विजेतेपद पटकावले आहे. अव्वल मानांकित जोकोविचने वर्षातील तिसऱ्या ग्रँड स्लॅमच्या अंतिम फेरीत ऑस्ट्रेलियाच्या निक किर्गिओसचा ४-६, ६-३, ६-४, ७-६ असा पराभव केला. पहिल्या सेटमध्ये किर्गिओसने शानदार सर्व्हिस राखून विजय मिळवला. मात्र त्याला गती राखता आली नाही. जोकोविचने दुसरा आणि तिसरा सेट सहज जिंकला. किर्गिओसनेही शेवटच्या सेटमध्ये झुंज दिली पण ती पुरेशी ठरली नाही.

जोकोविचचे हे सातवे विम्बल्डन आणि २१वे ग्रँडस्लॅम विजेतेपद आहे. त्याने स्वित्झर्लंडच्या रॉजर फेडररला मागे टाकून सर्वाधिक ग्रँडस्लॅम जेतेपदे पटकावली आहेत. फेडररने आतापर्यंत २० ग्रँडस्लॅम जेतेपदे जिंकली आहेत. सर्वाधिक २२ विजेतेपदे जिंकण्याचा विक्रम स्पेनच्या राफेल नदालच्या नावावर आहे. या वर्षाच्या सुरुवातीला या तिन्ही खेळाडूंच्या नावावर २०-२० जेतेपदे होते. नदालने ऑस्ट्रेलियन आणि फ्रेंच ओपन स्पर्धा जिंकली. विम्बल्डनमध्ये तो पोटाच्या दुखापतीमुळे उपांत्य फेरीतून बाहेर पडला होता.

???? @DjokerNole ????#Wimbledon | #CentreCourt100 pic.twitter.com/9yKOoY9PSV

— Wimbledon (@Wimbledon) July 10, 2022

सर्वाधिक विम्बल्डन जेतेपदे जिंकण्याच्या बाबतीतही रॉजर फेडरर पहिल्या क्रमांकावर आहे. त्याने आतापर्यंत आठ विम्बल्डन विजेतेपद पटकावले आहेत. ऑस्ट्रेलियाचा किर्गिओस पहिली ग्रँडस्लॅम फायनल खेळत होता. उपांत्य फेरीत दुखापतीमुळे त्याला नदालने वॉकओव्हर दिला होता. क्रमवारीत ४०व्या क्रमांकावर असलेला किर्गिओस २००१ मध्ये गोरान इव्हानिसेविकनंतर पहिला बिगरमानांकित चॅम्पियन बनण्याचा प्रयत्न करत होता परंतु जोकोविचच्या अनुभवाला त्याच्याकडे उत्तर नव्हते. विशेष बाब म्हणजे इव्हानिसेविच आता जोकोविचचे प्रशिक्षक आहेत आणि या सामन्यादरम्यान तो सेंटर कोर्टवर पाहुणा म्हणून उपस्थित होता.

महत्त्वाच्या बातम्या –