“…पण आम्ही देश वाचविण्यासाठी शेवटपर्यंत लढत राहू”, नाना पटोलेंचा इशारा

🕒 1 min read

मुंबई: देशातील वाढती महागाई आणि इंधनाच्या वाढत्या किंमतीमुळे रोज सर्वसामान्यांना मोठा फटका बसत आहे. इंधनाच्या किंमती दररोज वाढत असल्याचे चित्र देशात निर्माण झाले आहे. वाढत्या महागाईच्या मुद्यावरुन काँग्रेसने आक्रमक भूमिका घेतली आहे. आता काँग्रेस प्रदेशाध्यक्ष नाना पटोले (nana patole ) यांनी ट्वीट करत भाजपला इशारा दिला आहे.

“मोदींच्या राष्ट्रविरोधी आणि समाजविरोधी धोरणांविरुद्ध आवाज उठविणाऱ्याचे तोंड बंद करण्याचा प्रयत्न मोदी सरकार करेल, असा संदेश दिला जात आहे. पण आम्ही देश वाचविण्यासाठी शेवटपर्यंत लढत राहू.”, असे नाना पटोले यांनी म्हटले आहे. दरम्यान सलग दहाव्या दिवशी पेट्रोल-डिझेलची दरवाढ. आज पेट्रोल आणि डिझेलच्या दरात ८० पैशांची वाढ झाली असून आठवड्याभरात इंधनात ६.४० रुपयांची दरवाढ झाली आहे. हे पाकिटमार मोदी सरकार असल्याची टीकाही नाना पटोले यांनी केली आहे.

दरम्यान आजपासून राज्यभर महागाईमुक्त भारत आंदोलनाचा सप्ताह आयोजित करण्यात आल्याची माहिती नाना पटोले यांनी दिली आहे. आज सकाळी ११ वाजता सर्व काँग्रेस कार्यकर्ते आंदोलन करणार आहेत. त्यानंतर २ ते ४ एप्रिल दरम्यान सर्व जिल्हा मुख्यालयात महागाईमुक्त भारत धरणे आंदोलन व मोर्चा आयोजित केला आहे. तर ७ एप्रिलला राज्य मुख्यालयात मुंबईत महागाईमुक्त भारत धरणे आंदोलन व मोर्चाचे आयोजन करण्यात आले आहे.

महत्वाच्या बातम्या:

• “शरद पवार विरोधी पक्षांचे भीष्म पितामह पण…”, UPA अध्यक्षपदाच्या चर्चेवर संजय राऊतांचे मोठे वक्तव्य
• “नाना पटोलेंवर धाडी पडल्या तरी आश्चर्य नाही” – संजय राऊत
• IPL 2022: आज धोनीच्या अनुभवी CSKला के एलचा नवोदित LSG संघ भिडणार; जाणून घ्या कोणाचे पारडे आहे जड
• “जब घटीयापन का राज हो…”, संजय राऊतांचे ट्वीट चर्चेत
• “महाराष्ट्राच्या जनतेला ह्याच संकटांच्या खड्ड्यात नेऊन ठेवलंय”, सदाभाऊंनी साधला धनंजय मुंडेंवर निशाणा