भाजपच्या यशानंतर मोदींचा गुजरात दौरा; रोड-शो मध्ये ‘जय श्री राम’च्या घोषणा

🕒 1 min read

गुजरात: काल (१० मार्च) पाच राज्यांच्या निवडणुकांचे निकाल लागले. पंजाब व्यतिरिक्त चार राज्यांत भाजपला घवघवीत यश मिळाले. आज पंतप्रधान नरेंद्र मोदी (Prime Minister Narendra Modi) गुजरात दौऱ्यावर पोहचले आहेत. ते दोन दिवसीय गुजरात दौऱ्यावर गेले आहेत. यावेळी मोठ्या संख्येने कार्यकर्त्यांनी गर्दी केल्याचे दिसून आले.

दरम्यान पंतप्रधान मोदी आज सकाळी १० वाजता दिल्लीहून अहमदाबाद विमानतळावर पोहोचले, त्यानंतर त्यांनी विमानतळावरुनच रोड शोला सुरुवात केली. यावेळी रस्त्याच्या दोन्ही बाजुला मोठ्या संख्येने कार्यकर्ते उपस्थित होते. यावेळी मोदींच्या रोड शोमध्ये जय ‘श्री राम’ आणि ‘भारत माता की जय’च्या प्रचंड घोषणा देण्यात आल्या. दरम्यान कालच्या निकालानंतर युपीमध्येही जय ‘श्री राम’ च्या घोषणा देण्यात आल्या होत्या. रामं मंदिर निर्मितीमुळे मोदींनी लोकांच्या मनातील आपली जागा अधिक द्रुढ केल्याचे यावेळी दिसून आले.

જનપ્રિય પ્રધાનમંત્રી શ્રી @narendramodi જીનું જનતા જનાર્દન દ્વારા અભૂતપૂર્વ સ્વાગત….#BJP4Gujarat2022 pic.twitter.com/98qxL8DzwC

— BJP Gujarat (@BJP4Gujarat) March 11, 2022

दरम्यान नॅशनल डिफेन्स युनिव्हर्सिटीच्या दीक्षांत समारंभाला मोदी प्रमुख पाहुणे म्हणून उपस्थित राहणार आहेत. यावेळी त्यांच्यासोबत केंद्रीय गृहमंत्री अमित शहादेखील उपस्थित असतील. त्यानंतर संध्याकाळी मोदींच्या हस्ते खेळ महाकुंभ कार्यक्रमाचे उद्घाटन होणार आहे.

महत्वाच्या बातम्या:

• शेतकऱ्यांनी पिक पद्धतीत केला बदल; उत्पादन वाढण्याची दाट शक्यता!

• ‘महाराष्ट्राला सर्व सुविधा केंद्राने दिल्या, त्यामुळे…’; फडणवीसांचा राज्यसरकारला टोला

• Maharashtra Budget 2022: कोरोना संकटातही महाराष्ट्राने अर्थव्यवस्थेची चाके थांबू दिली नाहीत- रोहित पवार

• “लढाई अजून संपलेली नाही, खरी लढाई…”, देवेंद्र फडणवीसांचा इशारा

• “गेली ५० वर्ष आम्ही मुंबई पालिका लढतोय इथे भगवा कायम राहणार”, राऊतांचा इशारा