“…त्यांची सुद्धा चौकशी झाली पाहिजे”, फोन टॅपिंग प्रकरणावर अमोल मिटकरींची प्रतिक्रिया

🕒 1 min read

मुंबई : माजी पोलीस आयुक्त रश्मी शुक्ला (Rashmi Shukla) यांच्यावर फोन टॅपिंग केल्याचा आरोप असून यासंदर्भात तत्कालीन पोलीस महासंचालक संजय पांडे यांची समिती नेमण्यात आली होती. याच समितीने राज्य शासनाला अहवाल दिल्यानंतर शासनाने दिलेल्या आदेशानुसार त्यांच्यावर गुन्हा दाखल करण्यात आला आहे. दरम्यान, हे प्रकरण पुन्हा एकदा चव्हाट्यावर आले असून या मुद्द्यावरून राजकीय वर्तुळात पुन्हा एकदा चर्चांना उधाण आले आहे. याच पार्श्वभूमीवर राष्ट्रवादी काँग्रेसचे नेते अमोल मिटकरी (Amol Mitkari) यांनी याविषयी भाष्य केले आहे.

यासंदर्भात ट्विट करत अमोल मिटकरी म्हणाले आहेत की,‘आयपीएस अधिकारी रश्मी शुक्ला यांनी खा. संजय राऊत आणि एकनाथराव खडसे यांचे फोन टॅप केले हे महाराष्ट्राच्या समोर आले आहे. अशा अधिकाऱ्यांना दोनच व्यक्ती आदेश देऊ शकतात एक मुख्यमंत्री दुसरे गृहमंत्री. ही खाती ज्यांच्याकडे होती त्यांची सुद्धा चौकशी झाली पाहिजे’, असे मिटकरी म्हणाले आहेत.

आयपीएस अधिकारी रश्मी शुक्ला यांनी खा. संजय राऊत आणि एकनाथराव खडसे साहेब यांचे फोन टॅप केले हे महाराष्ट्राच्या समोर आले आहे. अशा अधिकाऱ्यांना दोनच व्यक्ती आदेश देऊ शकतात एक मुख्यमंत्री दुसरे गृहमंत्री .ही खाती ज्यांच्याकडे होती त्यांची सुद्धा चौकशी झाली पाहिजे.@Dwalsepatil

— आ. अमोल गोदावरी रामकृष्ण मिटकरी (@amolmitkari22) March 5, 2022

दरम्यान, याप्रकरणी शिवसेना खासदार संजय राऊत यांनी देखील प्रतिक्रिया दिली असून यासंदर्भात प्रसार माध्यमांशी संवाद साधत असतांना राऊत म्हणाले की,‘माझे फोन अजूनही टॅप केले जात असून तरीही मी माझा फोन नंबर बदललेला नाही, फोन टॅपिंगचा हा महाराष्ट्र पॅटर्न देशभर राबवला जात आहे.’ तसेच राज्यात सत्ता आणायची असेल तर राज्यपाल, फोन टॅपिंग, केंद्रीय तपास यंत्रणा आदींच्या माध्यमातून राजकारण केले जाते. इतके करूनही सत्ता येत नसेल तर KGB, CIA या यंत्रणांना आणावे लागेल, असेही राऊत म्हणाले.

महत्वाच्या बातम्या : 

• “कोश्यारी यांच्यासारखा ‘कर्तृत्ववान’ राज्यपाल पाहिला नाही”, शरद पवारांचा टोला
• भारतभर “कमंडल” यात्रा काढणाऱ्यांनी ओबीसींच्या बाबतीत न बोललेलंच बरं- जितेंद्र आव्हाड
• ‘ओबीसी आरक्षणाशिवाय निवडणुका नको’ – विजय वडेट्टीवार
• सलमान खानने स्वतःच्या लग्नाबद्दल केला मोठा खुलासा, म्हणाला- झालं झालं…
• “नवाब मलिक मुस्लीम आहेत म्हणून त्यांचा संबंध दाऊदशी जोडला जातोय” – शरद पवार