वाईन निर्णयावरून भुजबळांचा अण्णा हजारेंवर अप्रत्यक्ष टोला

🕒 1 min read

नाशिक: पालकमंत्री छगन भुजबळ (Chhagan Bhujbal) आज येवला लासलगाव विधानसभा मतदारसंघातील विविध विकास कामांचे उद्घाटन करण्यास गेले होते. या वेळी कार्यक्रमात बोलताना वाईन मुद्द्यावरून समाजसेवक उपोषणाला बसणार यासंदर्भात त्यांनी ज्येष्ठ समाजसेवक अण्णा हजारे (Anna Hazare) यांना अप्रत्यक्ष टोला लगावला आहे.

येवला येथील कार्यक्रम प्रसंगी भुजबळ म्हणाले, वाईन दुकानात मिळणार आहेत तर काही लोक उपोषणाला बसणार असल्याचा इशारा दिला आहे. भाजपशासित प्रदेशांमध्ये वाईन दुकानात मिळते, मात्र महाराष्ट्रात वाईन दुकानात मिळायला लागली तर लोक लगेच रस्त्यावर उतरू लागले आहेत, असा टोला भुजबळ यांनी भाजपला (BJP) लगावला.

राष्ट्रवादी कॉंग्रेसच्या (NCP) वतीने सभासद नोंदणी अभियानास सुरुवात करण्यात आली असून पदाधिकाऱ्यांनी येवला मतदारसंघात ५१ हजार सभासद नोंदणीचे उद्दिष्ट ठेवले आहे. आज येवला संपर्क कार्यालयात या सभासद नोंदणी शिबिराचा शुभारंभ करण्यात आला असल्याची माहिती पालकमंत्री छगन भुजबळ यांनी दिली आहे.

महत्वाच्या बातम्या:

• किरीट सोमय्या यांचा पुणे पोलीस आयुक्तांवर गंभीर आरोप, म्हणाले..
• VIDEO: महाराष्ट्र अनलॉक होणार?
• लोकसभेत विरोधी पक्षांचा सभात्याग; योगी आदित्यनाथ यांच्या भाषणावरून वाद
• “…तर महाविकास आघाडीच्या प्रत्येक आमदाराची चौकशी लावली असती”; रामदास आठवले
• ‘कधीकधी वाटतं डावा हात कापून टाकावा”, केन विल्यमसननं असं का म्हटलं? नक्की वाचा!