भाजप नेते गिरीश महाजन यांनाही कोरोनाची लागण

🕒 1 min read

जळगाव: राज्यात कोरोनाची (Corona) तिसरी लाट सुरू झाली असल्याचे चित्र दिसत आहे. गेल्या काही दिवसांपासून सामान्य नागरिकांसोबतच अनेक राजकीय नेत्यांना कोरोनाची लागण होत असल्याचे समोर येत आहे. गृहमंत्री दिलीप वळसे पाटील (Dilip Walse Patil) तसेच राष्ट्रवादीचे नेते छगन भुजबळ (Chhagan Bhujbal) यांच्या कार्यालयातही कोरोनाने शिरकाव केला असल्याची माहिती समोर आली आहे. तसेच भाजप नेते व केंद्रीय मंत्री रावसाहेब दानवे यांना देखील कोरोनाची लागण झाली आहे.

वाढत्या कोरोनाच्या प्रादुर्भावत अनेक बड्या नेत्यांना कोरोनाची लागण होत आहे. यात आणखी एका नेत्याचा समावेश झाला आहे. भाजप नेते गिरीश महाजन (Girish Mahajan) यांना देखील कोरोनाने विळखा घातला आहे. गिरीश महाजन यांनी कोरोना चाचणी पॉझिटिव्ह आल्यानंतर स्वत: ला घरीचं क्वारंटाईन करुन घेतलं आहे. ते घरीच उपचार करत आहेत. गेल्या काही दिवसांमध्ये संपर्का त आलेल्यांनी कोरोना चाचणी करुन घ्यावी, असं आवाहन त्यांनी केलं आहे.

शुक्रवारी गिरीश महाजन यांनी राज्यातील विविध प्रश्न, नागपूरमध्ये अतिरेक्यांनी केलेली रेकी आणि पंजाबमध्ये नरेंद्र मोदी यांच्यासोबत घडलेल्या प्रकारावरुन काँग्रेस आणि महाविकास आघाडी सरकारवर टीका केली होती. यावेळी खासदार रक्षा खडसे (Raksha Khadse) देखील उपस्थित होत्या. त्यामुळे त्यांच्या संपर्कात आलेल्यांनी चाचणी करून घेण्याचे आवाहन महाजन यांनी केले आहे.

महत्वाच्या बातम्या:

• किरीट सोमय्यांच्या आरोपांवर पेडणेकरांचे उत्तर; म्हणाल्या,’खुर्चीत गांजा मारून…’
• “महाराष्ट्राचे पोलीस सक्षम, कुठलाही हमला होऊ शकत नाहीत”, पटोलेंनी दिली ‘त्या’ घटनेवर प्रतिक्रिया
• ‘महादेवाची कृपा होती म्हणून, नाहीतर मोदींची हत्या…’; केंद्रीय मंत्र्याचं वक्तव्यं
• ‘त्या’ चर्चेवर पटोलेंनी दिली प्रतिक्रिया; म्हणाले, …त्यात गैर काय?
• भाजप नौटंकीबाज, युपीची निवडणूक लढण्यास काँग्रेस तयार-नाना पटोले