🕒 1 min read
नाशिक: नाशिक येथे महाराष्ट्र राज्य शिक्षण संस्था महामंडळ सुवर्ण महोत्सवी अधिवेशनाचे उदघाटन करण्यात आले. या अधिवेशनाचे उद्घाटन राष्ट्रवादी कॉंग्रेसचे सर्वेसर्वा शरद पवार यांच्या हस्ते करण्यात आले. या अधिवेशनात मोफत शिक्षण कायद्याची तरतूद खासगी शिक्षण संस्थांना लागू करण्यात यावी, अशी मागणी करण्यात आली.
साखर सम्राट म्हणलं की बदनामीचा शिक्का लागतो तसंच शिक्षण सम्राटला बदनामीचा शिक्का लागणं योग्य नाही, असे वक्तव्य जिल्ह्याचे पालकमंत्री छगन भुजबळ यांनी केले. भुजबळ म्हणाले की, काही शिक्षण संस्थामध्ये गैरप्रकार होत असले, तरी सगळ्याच शिक्षण संस्था या वाईट आहेत असे नाही. त्यामुळे शिक्षण सम्राटला साखर सम्राटला लावला जातो तसा बदनामीचा शिक्का लावणं योग्य नसल्याचं ते यावेळी म्हणाले.
यावेळी माजी केंद्रीय मंत्री विजय नवल पाटील म्हणाले की, अन्न, वस्त्र, निवारा यासोबत शिक्षण क्षेत्राला सावरण्याची आवश्यकता आहे. मोफत शिक्षण कायद्याच्या तरतुदीत खासगी शिक्षण संस्थांना तरतूद नसल्याने संस्था अडचणीत सापडल्या आहेत. त्यामुळे संस्थेच्या विकासासाठी मोफत शिक्षण कायद्याची तरतूद खासगी शिक्षण संस्थांना लागू करण्यात यावी, अशी मागणी देखील या अधिवेशनात करण्यात आली आहे.
महत्वाच्या बातम्या
- धमकी देऊन न्याय मिळत नाही, हायकोर्टात आपली बाजू मांडावी- अनिल परब
- …काहीतरी बोलण्यापेक्षा राजकीय पक्षात प्रवेश करा- पृथ्वीराज चव्हाण
- ‘हौंसला रख’ च्या प्रमोशनवेळी शेहनाजने सिद्धार्थच्या आठवणीत ढाळले अश्रू
- छत्रपती शिवाजी महाराजांचे चरित्र बाबासाहेब पुरंदरेंनी महाराष्ट्राच्या घराघरात पोहचवले -खा. रावसाहेब दानवे
- ‘महाराष्ट्रातील मुस्लिमांच्या विकासाची स्थिती’; १८ नोव्हेंबर रोजी औरंगाबादेत विशेष परिषद!
