किरण गोसावीच्या पोलीस कोठडीत ‘या’ तारखेपर्यंत वाढ

मुंबई : क्रुझ ड्रग्ज पार्टी प्रकरणी बॉलिवूड अभिनेता शाहरुख खानचा मुलगा आर्यन खान हा तब्बल २६ दिवस अटकेत होता. २६ दिवसांनंतर जामीनावर आर्यन तुरुंगातून बाहेर आला आहे. दरम्यान, या ड्रग्ज प्रकरणापासून सुरू झालेल्या नाट्याने आता वेगळंच वळण घेतले आहे. आर्यनसोबतच्या सेल्फीमुळे चर्चेत आलेला किरण गोसावी याला फसवणुकीच्या गुन्ह्याखाली अटक करण्यात आली होती. त्याच्या पोलीस कोठडीत आता वाढ कऱण्यात आली आहे.

आर्यन खानवरील कारवाईवरुन राष्ट्रवादी काँग्रेसचे प्रवक्ते नवाब मलिक यांनी अनेक प्रश्न उपस्थित केले असून एनसीबीचे विभागीय संचालक समीर वानखेडे यांच्यावर गंभीर आरोप केले. नवाब मलिक यांनी आरोपांना सुरुवात केली तेव्हा किरण गोसावी नावाचा उल्लेख केला होता. फक्त एवढेच नाही तर आर्यन खान सोबत सेल्फी काढल्यामुळेही गोसावी चर्चेत आला होता.

दरम्यान, क्रूझवरील कारवाईदरम्यान समीर वानखेडेंसोबत असणारा साक्षीदार किरण गोसावीला पुणे पोलिसांनी फसवणुकीच्या एका गुन्ह्याखाली अटक केली होती. त्यानंतर गोसावीला न्यायालयात हजर करण्यात आले असता न्यायालयाने त्याला ८ दिवसांची पोलिस कोठडी सुनावली होती. परंतु आता या कोठडीत वाढ करण्यात आली असून ८ नोव्हेंबरपर्यंत गोसावीला तुरुंगातच राहावे लागणार आहे.

महत्वाच्या बातम्या

• ‘ज्यांना काही समजतच नाही अशी मंडळी…’, शरद पवारांच्या ‘त्या’ वक्तव्यावर फडणवीसांची प्रतिक्रिया
• इंधनदर कपातीवरून शरद पवारांची प्रतिक्रिया; म्हणाले…
• ‘शिवसेनेला दुसऱ्यांच्या मुलांचं बारसं करण्याची सवय’, नारायण राणेंचा हल्लाबोल
• मराठी माणसाच्या भरवश्यावर राजकारण करायचे आणि तो संकटात आल्यावर त्याला उघड्यावर सोडायचे – गोपीचंद पडळकर
• ‘…तर डोक्याविना संजय राऊत दिसतील तिथे’, नारायण राणेंचा खोचक शब्दांत इशारा