परभणी : लिंगायत धर्माच्या संविधानिक मान्यतेसाठी व राज्यस्तरावर अल्पसंख्यांक दर्जा मिळविण्यासाठी परभणी येथे रविवारी (दि.२४) जिल्हाधिकारी कार्यालयावर लिंगायत समाजाच्या वतीने महामोर्चा काढण्यात येणार असल्याची माहिती अखिल भारतीय लिंगायत समन्वय समितीचे राष्ट्रीय समन्वयक ॲड.अविनाश भोसीकर यांनी पत्रकार परिषदेत दिली.
लिंगायत धर्माच्या संविधानिक मान्यतेसाठीची केंद्र सरकारला शिफारस करा, राज्यातील लिंगायत धर्मियांना, धार्मिक अल्पसंख्यांक दर्जा जाहीर करा, महाराष्ट्र राज्यात लिंगायत बेरोजगार युवकांच्या उन्नतीसाठी महात्मा बसवेश्वर आर्थिक विकास महामंडळ स्थापन करा, मंगळवेढा येथील मंजूर असलेल्या महात्मा बसवण्णांच्या राष्ट्रीय स्मारकाचे काम त्वरीत सुरु करा, लिंगायत आंदोलनाचे नेतृत्व राष्ट्रसंत डॉ. शिवलिंग शिवाचार्य यांच्या मृत्यू प्रकरणाची सीबीआयकडून उच्चस्तरीय चौंकशी करा, परभणी शहरात महात्मा बसवेश्वरांचा अश्वारुढ पुतळा उभा करावा या प्रमुख मागण्यांसाठी हा महामोर्चा काढण्यात येणार आहे.
परभणी शहरातील ईदगाह मैंदानापासून जिल्हाधिकारी कार्यालयावर हा महामोर्चा धडकणार आहे. यात समाजबांधवांनी सहभागी व्हावे, असे आवाहन यावेळी समन्वय समितीच्या वतीने ॲड.अविनाश भोसीकर यांनी केले आहे. यावेळी किर्तीकुमार बुरांडे, बबलू सातपुते आदींची उपस्थिती होती.
महत्त्वाच्या बातम्या
- मोदी सरकारमधील महत्त्वाच्या समितीवर खासदार इम्तियाज जलील यांची फेरनिवड!
- सिंघू बॉर्डरवर हत्या करणारा सरवजीत म्हणतो, “मला अजिबात पश्चाताप होत नाही”
- ‘अजित पवार आणि त्यांच्या निकटवर्तीयांची बुधवारी आणखी एक पोलखोल करणार’
- मोदींची घोषणा! अयोध्येच्या तीर्थयात्रेसाठी भाजप सरकार ५० हजारांची आर्थिक मदत करणार
- ‘नातेवाईकांचीही चौकशी, त्यांना त्रास देणे हे बरोबर नाही’, गृहमंत्री वळसे पाटलांची प्रतिक्रिया
बातम्यांसाठी YouTube चॅनेल Subscribe करा
Subscribe Now
