महाराष्ट्राला झिका विषाणूचा धोका ; केंद्र सरकारने पाठविले उच्चस्तरीय पथक

🕒 1 min read

मुंबई : कोरोना विषाणूच्या नव-नवीन व्हेरियंटमुळे देशातील बर्‍याच राज्यांची चिंता वाढली असल्याचे चित्र सध्या पाहायला मिळत आहे. अशातच आता एकीकडे देश कोरोना सारख्या महामारीशी लढत आहे. तर दुसरीकडे धोकादायक झिका व्हायरसचा प्रादुर्भावही वाढताना दिसत आहे. यामुळे प्रशासनाची झोप उडाली आहे. दरम्यान आता पुणे जिल्ह्यातल्या पुरंदर तालुक्यात झिका व्हायरसचा एक रुग्ण आढळला असून हा महाराष्ट्रातील पहिला झिका रुग्ण आहे.बेलसर येथील प्राथमिक आरोग्य केंद्रात हा रुग्ण आढळला आहे.

महाराष्ट्रात झिका विषाणूचा संसर्ग झाल्यानंतरच्या परिस्थितीचे परीक्षण करण्यासाठी आणि झिका बाधित रुग्णांचे योग्य व्यवस्थापन करण्यासाठी केंद्रीय आरोग्य आणि कुटुंब कल्याण मंत्रालयाने बहुआयामी पथक महाराष्ट्राकरिता रवाना केले आहे. पुणे जिल्ह्यात नुकताच झिका विषाणूग्रस्त रुग्ण आढळल्याची नोंद झाली आहे.

केंद्राने पाठविलेल्या तीन सदस्यांच्या पथकात पुण्याच्या प्रादेशिक संचालक कार्यालयातील सार्वजनिक आरोग्य तज्ञ, नवी दिल्लीच्या लेडी हार्डिंग वैद्यकीय महाविद्यालयातील स्त्रीरोगतज्ञ आणि नवी दिल्ली येथील भारतीय वैद्यकीय संशोधन संस्थेच्या राष्ट्रीय हिवताप संशोधन संस्थेतील कीटकतज्ञ यांचा समावेश आहे.

हे पथक राज्य आरोग्य विभागासोबत समन्वयाने काम करून रुग्ण सापडलेल्या ठिकाणाची परिस्थिती समजून घेईल आणि केंद्रीय आरोग्य मंत्रालयाच्या झिका व्यवस्थापनासाठीच्या कृती योजनेची अंमलबजावणी आवश्यक आहे का याचे मूल्यमापन करून राज्यातील झिका विषाणू व्यवस्थापनासाठी आवश्यक सार्वजनिक आरोग्य हस्तक्षेप करण्यासाठी सूचना देईल.

महत्त्वाच्या बातम्या

• ‘आमचे सरकार टेक्नोलॉजीचे मिशन बनवण्याच्या विचारात’ – पंतप्रधान मोदी
• ‘लांब फेकणारा खेळाडू टोकियोला गेला नाही, त्यामुळे भारताने गोल्डन संधी गमावली’, काँग्रेसचा टोला
• ‘शब्दांचे खेळ, भावनिक आवाहन, ड्रायव्हिंगशिवाय येतंय काय? मग शरद पवारांनी कौतूक केले कशाचे?’
• बीसीसीआयचा पीसीबीला असाही झटका, पाकविरुद्धची मालिका सोडून खेळाडू खेळणार आयपीएल
• खुशखबर! इंग्लंडविरुद्धच्या मालिकेतील खेळपट्टी फिरकीपटूसाठी पोषक