बीडमध्ये भाजप अडचणीत, पदाधिकाऱ्यांचे राजीनामा सत्र सुरूच

बीड : केंद्रीय मंत्रिमंडळ विस्तारात बीडच्या खासदार प्रीतम मुंडे यांना डावलण्यात आल्याने त्यांचे समर्थक नाराज झाले आहेत. भाजपच्या राष्ट्रीय सचिव पंकजा मुंडे यांनी आपण नाराज नसल्याचे सांगितले आहे. तरीही त्यांचे समर्थक मात्र पक्षश्रेष्ठींच्या निर्णयावरून संताप व्यक्त करत आहेत. शुक्रवारी एका पदाधिकाऱ्याने राजीनामा दिल्यानंतर शनिवारी डझनभर पदाधिकाऱ्यांनी राजीनामे दिले. यात, दोन जिल्हा परिषद सदस्य, एक पंचायत समिती सदस्य आणि उर्वरित पक्ष पदाधिकाऱ्यांचा समावेश आहे.

केंद्रीय मंत्रिमंडळाचा नुकताच विस्तार झाला. यामध्ये केंद्रीय मंत्रिपदासाठी बीडच्या खासदार डॉ. प्रीतम मुंडे यांचे नाव चर्चेत होते. मात्र, त्यांना संधी मिळाली नाही. त्याऐवजी औरंगाबादच्या डॉ. भागवत कराड यांना संधी दिली गेली. अर्थ राज्यमंत्रिपदी त्यांची वर्णी लागली. यावर, शुक्रवारी पंकजा मुंडे यांनी पत्रकार परिषद घेत आपण या निर्णयाबाबत पक्षावर नाराज नसल्याचेही सांगितले होते. दुसरीकडे, बीडमध्ये मात्र मुंडे समर्थकांमध्ये मात्र खा. डॉ. प्रीतम यांना मंत्रिपदी जाणीवपूर्वक डावलले असल्याची भावना असून यातून समर्थकांनी राजीनामे देण्यास सुरुवात केली आहे.

यांनी दिले राजीनामे
शुक्रवारी जिल्हा कार्यकारिणीचे सरचिटणीस सर्जेराव तांदळेंनी पहिल्यांदा राजीनामा दिला. त्यानंतर शनिवारी गोपीनाथ मुंडे विकास आघाडीच्या माध्यमातून अपक्ष निवडून आलेले मात्र पंकजा मुंडेंच्या निकटवर्तीय जिल्हा परिषद सदस्य सविता रामदास बडे, भाजपच्या जि. प. सदस्य भागीरथी रामराव खेडकर यांच्यासह शिरूरचे पंचायत समिती सदस्य प्रकाश खेडकर, भटक्या विमुक्त आघाडीचे लक्ष्मण जाधव, विद्यार्थी आघाडीचे जिल्हाध्यक्ष संग्राम बांगर, आष्टी तालुकाध्यक्ष तथा ग्रा. पं. सदस्य युवराज वायभसे, जिल्हा उपाध्यक्ष संजय सानप, सोशल मीडिया प्रमुख अमोल वडतिले, महारुद्र खेडकर, युवा मोर्चाचे जिल्हा उपाध्यक्ष विवेक पाखरे, संतोष ढाकणे, श्याम महारनोर यांनी जिल्हाध्यक्ष राजेंद्र मस्के यांच्याकडे आपले राजीनामे सुपूर्द केले आहेत.

महत्वाच्या बातम्या : 

• नांदेड, हिंगोली जिल्ह्यात भूकंपाचे हादरे, परभणीत जमिनीतून गुढ आवाज
• ‘मैने खुद ये शहादत चुनी है’ ; अजय देवगनचा बहुचर्चित ‘भुज’चा टीझर रिलीज
• हरलीनच्या ‘त्या’ कॅचवर महिंद्रा यांची विशेष टिप्पणी, म्हणाले…
• मुंबईत सलग तिसऱ्या दिवशी लसीकरण बंद ; कोरोनाची तिसरी लाट रोखणार कशी?
• दिडशतकी खेळीनंतर महमूदूल्लाहने निवृत्ती जाहिर करत दिला मोठा धक्का