‘धर्मेंद्र, पाहा साहेबांनी डोळे मिटले’ ; दिलीप कुमार यांचे पार्थिव पाहून खचल्या सायरा बानो

🕒 1 min read

मुंबई : बॉलीवुडचे पहिले सुपरस्टार आणि जेष्ठ अभिनेते दिलीप कुमार यांचे निधन झाले आहे. आज ७ जुलै रोजी सकाळी ७.३० मिनिटांनी त्यांनी अखेरचा श्वास घेतला. दिलीप कुमार यांचे वय ९८ होते. गेल्या काही दिवसापासुन दिलीप कुमार यांना श्वास घ्यायला त्रास होत होता. यामुळे उपचारासाठी त्यांना २९ जुन रोजी मुंबई येथील हिंदूजा रुग्णालयात दाखल करण्यात आले होते. यादरम्यान त्यांची प्रकृती खालावत गेली आणि आज ७ जुलै रोजी त्यांची प्राणज्योत मालवली.

दिलीप कुमार यांच्या जाण्यानंतर पंतप्रधान नरेंद्र मोदी यांच्या सह उपराष्ट्रपती व्यंकय्या नायडू, काँग्रेसचे खासदार राहुल गांधी आणि पश्चिम बंगालच्या मुख्यमंत्री ममता बॅनर्जी यांना देखील ट्विट करत श्रद्धांजली अर्पण केली आहे. तसेच बड्या बॉलीवूड कलाकारांनी देखील शोक व्यक्त केला.

दिलीप कुमार यांच्या जाण्याने सर्वाधिक कोण खचलं असेल, तर त्या म्हणजे दिलीप यांच्या पत्नी सायरो बानो. यादरम्यान त्यांनी दिलीप यांचे पार्थिव पाहून जे म्हटले, त्यामुळे तिथे उपस्थित अभिनेते धर्मेंद्र यांना खूपच दु:ख झाले. त्यावेळची घटना धर्मेंद्र यांनी सोशल मीडियावर सांगितली आहे. दिलीप यांच्या निधनानंतर त्यांचे पार्थिव रुग्णालयातून त्यांच्या पाली येथील घरी नेण्यात आले. तिथे त्यांच्या शेवटच्या दर्शनासाठी दिग्गज कलाकार उपस्थित होते. त्यावेळी धर्मेंद्र देखील त्यांचे अंतिम दर्शन घेण्यासाठी पोहोचले होते.

Dosto , mujhe dikhwa nahin aata lekin main apne jazbaat par qaaboo bhi nahin paata . Apne samajh ke kah jaata hoon …

— Dharmendra Deol (@aapkadharam) July 7, 2021

धर्मेंद्र यांनी अधिकृत ट्विटर अकाऊंटवरून फोटो शेअर केला. फोटो शेअर करून त्यांनी लिहिले की, ‘सायरा यांनी जेव्हा म्हटले की, धर्मेंद्र, पाहा साहेबांनी डोळे मिटले आहेत…’ मित्रांनो, जीवच गेला माझा. देवा माझ्या प्रिय भावाला स्वर्ग लाभो.’ यानंतर त्यांनी आपल्या पुढच्या ट्वीटमध्ये लिहिले की, “मित्रांनो मला देखावा करता येत नाही. मात्र, मी आपल्या भावनांवर नियंत्रण ठेवू शकत नाही. आपला समजून बोलत आहे.’

महत्वाच्या बातम्या 

• आयपीएलच्या दुसऱ्या टप्प्यातून शुभमन बाहेर पडल्यास KKR संघाकडे सलामीसाठी असतील हे दोन पर्याय
• ऐसी भी क्या नाराजगी? मुंडे भगिनींकडून नुतन मंत्र्यांचे साधे अभिनंदनही नाही!
• नसीरुद्दीन शाहंना रुग्णालयातून डिस्चार्ज; फोटो शेअर करत दिली माहिती
• नारायण राणेंना जे पद मिळालं त्यापेक्षा त्यांची उंची मोठी – संजय राऊत
• राणे यांचा केंद्रीय मंत्रिमंडळात समावेश म्हणजे युती होणार नाही यावर शिक्कामोर्तब