मुंबई : मुंबई कॉंग्रेसला लागेलले गटबाजीचे ग्रहण काही थांबताना दिसत नाहीये. यापूर्वी देवरा विरुद्ध कामत निरुपम विरुद्ध देवरा असा सामना झाला आहे. आता मुंबई काँग्रेस अध्यक्ष भाई जगताप यांच्या कार्यशैलीविरोधात युवा काँग्रेस आमदार यांनीच प्रश्नचिन्ह उपस्थित केलं आहे.
झिशान सिद्दिकी यांनी सोनिया गांधी आणि राहुल गांधी यांना पत्र लिहून भाई जगताप यांच्या विरोधात गंभीर आरोप केले आहेत. माझ्याच पक्षाचा अध्यक्ष माझ्या विरोधात कारवाया करत असल्याचा गंभीर आरोप आमदार झिशान सिद्दिकी यांनी पत्रात केला आहे. यासाठी झिशान यांनी काही घटनांचा दाखला दिला आहे.
मुंबई काँग्रेस मार्फत जनतेला किट वाटपाचा कार्यक्रम हाती घेण्यात आला आहे. त्यातील एक कार्यक्रम वांद्रे येथील बीकेसी पोलीस स्थानकात घेण्यात आला. या कार्यक्रमाला काँग्रेस मंत्री आणि गृहराज्यमंत्री सतेज पाटील यांना आमंत्रित करण्यात आले होते. पोलीस अधिकारी देखील उपस्थित होते पण, वांद्रे पूर्वचे आमदार झिशान सिद्दिकी यांना बोलवण्यात आले नाही. बीकेसी पोलीस स्थानक हे आमदार सिद्दिकी यांच्या मतदारसंघात येत तिथे काँग्रेसने कार्यक्रम घेऊन स्थानिक आमदाराला बोलवलं नाही हा प्रोटोकॉल तोडणे आहे आणि हे सार्वजनिकरित्या खजील करण्यासारखे आहे असं झिशान यांनी पत्रात म्हटलं आहे.
तर, काही महिन्यांपूर्वी मुंबई युवा काँग्रेसच्या निवडणुका पार पडल्या. या निवडणुकीत झिशान सिद्दिकीला मदत केल्यास पक्षात पद देणार नाही असंही भाई जगताप यांनी पक्षातील नगरसेवक आणि पदाधिकाऱ्यांना सांगितल्याचा गंभीर आरोप झिशान सिद्यकि यांनी आपल्या पत्रात केला आहे.
महत्वाच्या बातम्या
- ‘रावसाहेब दानवे हे आमचे चांगले मित्र, त्यांच्या विनोदी शैलीचे कौतुकच’, राऊतांची प्रतिक्रिया
- वेळेवर तपासणी हाच उपचार, लातूरमध्ये म्युकरमायकोसिसच्या ८१ रुग्णांवरील शस्त्रक्रिया यशस्वी
- कर्नाळा बँक घोटाळा : राज्य सरकारने चालढकल केली मात्र विवेक पाटलांना इडीने थेट अटक केली
- ‘जीवन का मोक्ष, बस काम मिलता रहे’; बिग बींच्या ट्वीटने वेधले अनेकांचे लक्ष
- ‘कोणत्याही परिस्थितीत समाजाच्या सोबत उभे राहणे माझी जबाबदारी’, सलाईन लाऊन माने आंदोलनस्थळी
बातम्यांसाठी YouTube चॅनेल Subscribe करा
Subscribe Now
