डब्लुटीसी अंतिम सामन्यापुर्वी न्युझीलंडच्या संघात ‘या’ नविन सलामीवीराची एन्ट्री

🕒 1 min read

मुंबई : आयपीएल स्पर्धेनंतर क्रिकेट रसिकांचे लक्ष हे जागतीक कसोटी चॅम्पियनशीप स्पर्धेच्या अंतिम सामन्याकडे लागले आहे. या सामन्यासाठी भारतीय संघ २ जुन रोजी इंग्लंडला रवाना होणार आहे. याआधी भारतीय संघ मुंबई येथे विलगीकरणात आहे. तर न्युझीलंडचा संघ हा इंग्लंडमध्ये सराव करत आहे.

यादरम्यान इंग्लंडमधून एक नवीन माहिती समोर आली आहे. भारताविरुद्धच्या सामन्याआधी न्युझीलंडच्या संघाला इंग्लंडविरुद्ध २ कसोटी सामन्याची मालिका खेळायची आहे. या मालिकेत न्युझीलंडकडून डेवॉन कॉनवे हा खेळाडू सलामीवीराची भूमिका पार पाडणार आहे. हाच सलामीवीर भारताविरुद्धच्या सामन्यात सुध्दा खेळणार असल्याची माहिती समोर येत आहे. कॉनवेने मागील वर्षी टी-२० मध्ये पदार्पण केले होते. यानंतर अवघ्या ८ महिन्यात तो कसोटी पदार्पण करत आहे.

What was on Devon Conway's mind during his first session batting in whites in a BLACKCAPS environment? #ENGvNZ pic.twitter.com/5ZTvaRfvZq

— BLACKCAPS (@BLACKCAPS) May 28, 2021

इंग्लंडविरुद्धच्या मालिकेआधी न्युझीलंडचा संघ आपापसात सराव सामना खेळत आहे. या सरावात टॉम लॅथम इलेव्हन आणि केन विलियम्सन इलेव्हन या दोन्ही संघात सामना खेळला जात आहे. या सामन्यात कॉनवे हा लॅथम इलेव्हन संघासाठी खेळतोय. या सामन्यात कॉनवेने पहिल्या दिवशी फलंदाजी करताना ५५ धावा केल्या आणि त्यानंतर निवृत्त झाला. यावेळी कॉनवेने कर्णधार लॅथमसह १०६ धावांची सलामी भागीदारी केली. त्याच्या या खेळीचे कर्णधार विल्यमसनने कौतुक केले होते.

महत्त्वाच्या बातम्या

• ऑस्ट्रेलिया संघाला धोनी सारख्या फिनिशरची गरज : रिकी पॉन्टिंग
• ‘रस्त्यावर केलेली ही घाण कोण उचलतं?’ ; पाळीव प्राणी फिरवणाऱ्या सेलिब्रिटींना अभिनेत्याचा सवाल
• आयपीएलचे उर्वरित सामने होणारच ; गांगुली यांनी अशी केली ICC ची कोंडी
• निवृत्तीनंतर हाशिम आमला पाडतोय काउंटी क्रिकेटमध्ये धावांचा पाऊस
• आयपीएल २०२१ च्या उर्वरित सामन्याची घोषणा होताच राजस्थानने शेअर केला भन्नाट व्हिडीओ