‘केंद्राने महाराष्ट्रात पुरवलेल्या व्हेंटिलेटरमध्ये मोठा घोटाळा’, काँग्रेसचा आरोप

🕒 1 min read

औरंगाबाद : पंतप्रधान (पीएम) केअर फंडातून औरंगाबादच्या घाटीला मिळालेल्या १५० व्हेंटिलेटरवरून राजकारण पेटले आहे. एमआयएम खासदार इम्तियाज जलील व भाजप खासदार डॉ. भागवत कराड यांच्यात तापलेल्या राजकारणात काल राष्ट्रवादीने उडी घेतली. हे सर्व व्हेंटिलेटर्स निकृष्ट दर्जाचेच असल्याच्या खासदार इम्तियाज जलील यांच्या आरोपाचा राष्ट्रवादीचे आमदार सतीश चव्हाण यांनीही पुनरुच्चार केला. त्यासाठी तज्ञ डॉक्टरांनी दिलेला अहवालही माध्यमांसमोर मांडला.

यानंतर आता आज काँग्रेसचे प्रवक्ते सचिन सावंत यांनी हाच मुद्दा उचलून धरला आहे. ‘शासकीय वैद्यकीय महाविद्यालय औरंगाबाद यांनी नेमलेल्या वैद्यकीय तज्ज्ञांच्या समितीला #PMCaresFund अंतर्गत सदर संस्थेला पुरवलेले सर्व व्हेंटिलेटर पूर्णतः निरुपयोगी आढळले. त्यांच्या अहवालानुसार कंपनी तंत्रज्ञदेखील हे दुरुस्त करू शकले नाहीत. हा मोठा घोटाळा आहे.’ असा आरोप सावंत यांनी केलाय.

ब्रेकिंग न्यूज- शासकीय वैद्यकीय महाविद्यालय औरंगाबाद यांनी नेमलेल्या वैद्यकीय तज्ज्ञांच्या समितीला #PMCaresFund अंतर्गत सदर संस्थेला पुरवलेले सर्व व्हेंटिलेटर पूर्णतः निरुपयोगी आढळले. त्यांच्या अहवालानुसार कंपनी तंत्रज्ञदेखील हे दुरुस्त करू शकले नाहीत. हा मोठा घोटाळा आहे. pic.twitter.com/NQsak81eEE

— Sachin Sawant सचिन सावंत (@sachin_inc) May 14, 2021

तसेच केंद्रामार्फत पुरविल्या महाराष्ट्राला पुरवलेल्या सर्व व्हेंटिलेटरची राज्यस्तरीय चौकशी करण्याची आम्ही मागणी करतो. पीएम केअर्सच्या माध्यमातून वाया गेलेला वेळ व जनतेचा पैसा अक्षम्य आहे. मोदी सरकारने देशातील सर्व कॉर्पोरेट कंपन्यांना या अपारदर्शक फंडात देणगी देण्यासाठी भाग पाडले.

‘या फंडबाबत माहिती ही दिली नाही किंवा माहितीचा अधिकार लागू केला नाही. पण आता अशा अत्यंत तकलादू व फालतू कंपन्यांना हे कंत्राट कसे आणि का मिळाले हे जनतेला समजलेच पाहिजे. मानवतेकरिता या सर्वात मोठ्या संकटात घोटाळा सोडा पण नफेखोरीचा होऊ देण्याचा विचार करणेही अमानुष आहे. जाहीर निषेध!’ अशा शब्दात काँग्रेस नेते सचिन सावंत यांनी टीका केली आहे.

महत्वाच्या बातम्या 

• ‘देशाचा कारभार सध्या रामभरोसे सुरू’, संजय राऊतांची टीका
• आरोग्य कर्मचाऱ्यांना सुरक्षा पुरवा, हायकोर्टाचे राज्य सरकारला आदेश
• राशीद खान दुबईत करतोय मजा, ‘ही’ महिला क्रिकेटर म्हणते…
• पहिल्याच दिवशी राधेचा धमाका ; दुबईत थिएटरबाहेर रांगा, तर…
• शेतकऱ्यांसाठी खुशखबर ! आज मिळणार पीएम किसान योजनेचा आठवा हप्ता…