बुमराहने तपासली मॅचवीनर के एल राहुलची बॅट; फोटो व्हायरल

🕒 1 min read

चेन्नई : आयपीएलमध्ये शुक्रवारी झालेल्या सामन्यात पंजाब किंग्सने मुंबई इंडियन्सचा ९ गडी राखुन दणदणीत पराभव केला. सलग तीन पराभव स्विकारल्यानंतर पंजाबने हा विजय मिळवला आहे. तर मुंबईचा हा सलग दुसरा तर स्पर्धेतील तिसरा पराभव ठरला आहे. शानदार अर्धशतकासाठी पंजाब संघाचा कर्णधार के एल राहुल याला सामनावीराच्या पुरस्काराने सन्मानीत करण्यात आले.

या सामन्यात पंजाब किंग्स संघाचा कर्णधार के एल राहुलने नाबाद अर्धशतक झळकावकत विजयात मोलाचा वाटा उचलला. त्याच्या या कामगीरी साठी राहुलला सामनाविराच्या पुरस्काराने सन्मानीत करण्यात आले. या सामन्यात मुंबईच्या गोलंदाजानी के एल राहुलला बाद करण्यासाठी शर्थीचे प्रयत्न केले. मात्र कोणालाही यश आले नाही. त्यातच सामना संपल्यानंतर मुंबईचा मुख्य गोलंदाज जसप्रीत बुमराहने राहुलकडे धाव घेत त्याच्या बॅटचे बारकाईने निरिक्षण केले. राहुलची बॅट आपल्या हाती घेत तपासली.

Caption PLZ ….

.
.
.#IPL2021 #Bumrah #KLRahul pic.twitter.com/fFx9SJF5Kl

— Punjab Kesari- Sports (@SportsKesari) April 23, 2021

हे फोटो सोशल मीडीयावर प्रचंड व्हायरल झाले. जणू बुमराह राहुलच्या बॅटमध्ये स्प्रिंग वैगेरे तर लावलेले नाही ना, असे विचारत असल्यासारखे भासत आहे. अनेकांनी यावेळचा फोटो शेअर करत वेगवेगळ्या प्रतिक्रिया दिल्या आहेत. पंजाबच्या संघाने पहिल्या सामन्यात विजय मिळवल्यानंतर सलग तीन सामन्यात पराभव स्विकारला. तर काल मुंबई विरुद्धच्या सामन्यात पंजाबने विजय मिळवत पुनरागमन केले.

महत्त्वाच्या बातम्या

• उस्मानाबादेत गंभीर रुग्णांची संख्या दिवसेंदिवस वाढू लागली, दररोज लागतोय ४६ हजार लिटर ऑक्सिजन
• CBIने गुन्हा दाखल केल्यानंतर जयश्री पाटील आक्रमक, देशमुखांना अटक करण्याची केली मागणी
• गरजेनुसारच नातेवाइकांना रुग्णालयात प्रवेश द्या – सीईओ अजित कुंभार
• महाविकास आघाडीने उच्च न्यायालयाचा निकाल सोईने वाचला- दरेकर
• वडिलांच्या निधनानंतर भाग्यश्री लिमयेने केलं मन मोकळं; शेअर केली भावनिक पोस्ट