मुंबई – रेमडिसिवर इंजेक्शन बाबत खोटी माहिती प्रसारीत केल्याबद्दल साकेत गोखले यांच्या विरोधात भाजपा उत्तर भारतीय मोर्चाचे अध्यक्ष संजय पांडे यांनी ओशिवरा पोलीस ठाण्यात तक्रार दाखल केली आहे. खोटी माहिती प्रसारीत करून जनतेच्या मनात घबराट निर्माण केल्याचा आरोप करण्यात आला आहे.
दरम्यान, गोखले यांच्याविरोधात भारतीय दंड विधान कलम 505 (1), माहिती, तंत्रज्ञान कायदा 2000 आणि आपत्ती निवारण कायदा 2005 अन्वये गुन्हा दाखल करावा अशी मागणी पांडे यांनी आपल्या तक्रारीत केली आहे.
पांडे यांनी आपल्या तक्रारीत म्हटले आहे की, गोखले यांनी 17 एप्रिल 2021 रोजी अनेक ट्विट करत मुंबई पोलिसांनी 4.75 कोटी किमतीच्या रेमडिसिवर चा साठा जप्त केला असून भारतीय जनता पार्टीने हा साठा केला असल्याचा आरोप केला होता. देवेंद्र फडणवीस हे केंद्र सरकारच्या साथीने रेमडिसिवरचा अवैध साठा करीत असून भाजपा कार्यालयात हा साठा करण्यात आल्याचे ट्विटही गोखले यांनी केले होते.
गोखले यांनी ट्विट मध्ये नमूद केलेली माहिती धादांत खोटी असून जनतेच्या मनात घबराट निर्माण करणारी आहे. त्यामुळेच गोखले यांच्या विरोधात योग्य ती कायदेशीर कारवाई करावी, अशी मागणी पांडे यांनी आपल्या तक्रारीत केली आहे. गोखले यांनी केलेले ट्विट तक्रारी सोबत जोडण्यात आले आहेत.
महत्त्वाच्या बातम्या
- ‘मोदींच्या नेतृत्वात देशात कोरोनमुक्ती सोडाच, परिस्थिती हाताबाहेर गेली आहे’
- शहरात जोरात नाका बंदी तरीही तीन दुचाकी चोरीला
- सलग दुसऱ्या सामन्यात चेन्नईच्या गोलंदाजाचा बोलबाला; राजस्थानला ४५ धावांनी केले पराभूत
- विद्यार्थिनीने फी न भरल्याचे सोशल मीडियावर सांगितले, शिक्षिकेवर अॅट्रोसिटी
- लवकरच पुरेसा रेमडेसिवीरचा साठा होणार उपलब्ध, सात रेमडेसिवीर निर्मात्या कंपन्यांशी चर्चा सुरु
