🕒 1 min read
औरंगाबाद : शहराच्या विविध भागातून तीन दुचाकी चोरांनी लांबवल्या. विशेष म्हणजे शहरात २४ तास नाका बंदी सुरु असूनही दुचाकी चोरीच्या घटना घडल्या. पहिली घटना सिडकोतील बजरंग चौकात घडली. सचिन त्र्यंबक सुशीर (४५, रा. बजरंग चौक, एन-६) यांनी १४ एप्रिल रोजी दुपारी दीडच्या सुमारास सिडको, एन-७ भागातील एका मेडिकलसमोर दुचाकी (एमएच-२०-एफक्यु-३०७२) उभी केली होती. चोराने हँडल लॉक तोडून त्यांची दुचाकी अवघ्या अर्ध्या तासात लांबवली.
दुसरी घटना एमआयडीसी चिकलठाणा येथे घडली. जुन्या आयडीया कॉल सेंटर समोरील पटेल वॉटर फिल्टर प्लॉन्टजवळ शेख मोहसीन रसूल (२५, रा. रहेमानिया कॉलनी, आझाद चौक) यांनी दुचाकी (एमएच-२०-सीजे-४१९१) उभी केली होती. चोराने त्यांच्या देखील दुचाकीचे हँडल लॉक तोडून ती लांबवली.
तसेच सागर रामराव जगताप (४३, रा. अंबिकानगर, मुकुंदवाडी) यांनी १५ एप्रिल रोजी दुपारी साडेचारच्या सुमारास भडकलगेटजवळ दुचाकी (एमएच-२०-ईएच-८८४५) उभी केली होती. चोराने हँडल लॉक तोडून जगताप यांची दुचाकी लंपास केली. याप्रकरणी संबंधीत पोलीस ठाण्यात गुन्हे दाखल करण्यात आले आहेत.
महत्त्वाच्या बातम्या
- देवदूता प्रमाणे रेल्वे पॉईंटमनने वाचवला चिमुकल्याचा जीव, रेल्वेमंत्र्यांनी केले कौतूक
- कोरोना योद्ध्यांच्या मानधनात दुजाभाव; आरोग्य विभागाचा भोंगळ कारभार
- दिलासादायक : कोरोना रुग्णांवरील उपचारासाठी नेझेल स्प्रे ठरतोय ९९ टक्के प्रभावी
- …तर विरोधी नेत्यांना देखील रेमडेसिवीरच श्रेय घेता आलं असतं – संजय राऊत
- ‘निर्बंधकाळात नागरिकांसाठी जाहीर केलेली मदत पोहचवण्याची युद्धपातळीवर कार्यवाही’
