पराभव पचविणे अवघड आहे ; खराब फलंदाजीमुळे सामना गमावला : वॉर्नर

🕒 1 min read

मुंबई : बुधवारी झालेल्या आयपीएलच्या सामन्यात विराट कोहलीच्या बेंगलुरु रॉयल चॅलेंजर्स संघाने हैदराबाद सनरायझर्स संघाचा ६ धावांनी पराभव केला आहे. स्पर्धेतील आरसीबीचा हा सलग दुसरा विजय आहे. तर हैदराबादच्या संघाचा सलग दुसरा पराभव आहे. या पराभवानंतर हैद्राबादचा कर्णधार डेव्हिड वॉर्नर म्हणाला, हा पराभव पचविणे अवघड आहे.

सामन्यानंतर वॉर्नर म्हणाला, ‘आमच्या गोलंदाजांनी चांगली कामगिरी केली, ग्लेन मॅक्सवेलने आरसीबीकडून चांगली फलंदाजी केली.’ आम्ही भागीदारी करू शकलो नाही. ‘

त्याने आपल्या फलंदाजांवर नाराजी व्यक्त केली आणि म्हणाला, डावखुरा फिरकी गोलंदाजांविरुद्ध फलंदाजी सरळ ठेवून शॉट न खेळल्यामुळे मी खूप निराश आहे. पुढे तो म्हणाला, ‘येथे (चेन्नईत) आणखी तीन सामने खेळायला आहेत आणि विकेट चांगली होईल अशी अपेक्षा आहे. आम्ही पॉवरप्लेमध्ये विकेट घेण्याचा आणि मोठी भागीदारी निर्माण करण्याचा प्रयत्न करू. ‘

सध्याच्या आयपीएलच्या 14 व्या मोसमातील सहाव्या सामन्यात रॉयल चॅलेंजर्स बंगळुरूने (आरसीबी) सनरायझर्स हैदराबाद (एसआरएच) चा 6 धावांनी पराभव केला. शाहबाज अहमदने चेंडूवर आश्चर्यकारक कामगिरी केली. या युवा खेळाडूने सामन्याचा दृष्टीकोन आरसीबीकडे वळविला. शाहबाजने 2 षटकांत 7 धावा देऊन 3 बळी घेतले. त्याने एकाच षटकात या तीन विकेट घेतल्या.

डाव्या हाताच्या फिरकीपटूने डावाच्या 17 व्या षटकात सनरायझर्सला मोठा धक्का दिला. शाहबाजची ही षटक सामन्याचे टर्निंग पॉईंट ठरले. या षटकात त्याने जॉनी बेअरस्टो, मनीष पांडे आणि अब्दुल समद यांना बाद केले. षटकातील पहिल्या, दुसर्‍या आणि शेवटच्या चेंडूवर त्याने विकेट्स घेतल्या.

महत्वाच्या बातम्या

• राजस्थानविरुद्ध दिल्ली ; सॅमसन-पंत आमने-सामने
• दिल्ली कॅपिटल्स संघाची चिंता वाढली, सामन्यापूर्वी धडाकेबाज खेळाडूला कोरोनाची लागण
• सामन्याला कलाटणी देणारे षटक; एक धाव देत ३ गडी बाद; शाहबाज अहमदची कमाल
• अटीतटीच्या सामन्यात आरसीबीची हैदराबादवर ६ धावांनी मात; आरसीबीचा सलग दुसरा विजय
• विवोचा ब्रॅण्ड अॅम्बेसेडर बनला कोहली