🕒 1 min read
औरंगाबाद : औरंगाबाद शहरात एक धक्कादायक घटना समोर आली आहे. बायको आणि मुलाला नेण्यासाठी सासूरवाडीत आलेल्या तरुणाने यू ट्युबवर आत्महत्येचे व्हिडिओ पाहत गळफास घेऊन आत्महत्या केली. हा प्रकार मंगळवारी सकाळी समोर आला. ही घटना हिमायतबाग परिसरातील भीमराज नगरात घडली. याविषयी बेगमपुरा ठाण्यात आकस्मिक मृत्यूची नोंद करण्यात आली.
पोलिसांनी दिलेल्या माहितीनूसार, सचिन प्रकाश अहिरे (२६, रा. आनंदवाडी, जेतवन कॉलनी कल्याण, जि. ठाणे) असे मृताचे नाव आहे. सचिनची औरंगाबाद शहरातील भीमराज नगरात सासुरवाडी आहे. घरगुती वादानंतर त्याची पत्नी मुलाला घेऊन माहेरी आली होती. यामुळे सचिन तीन-चार दिवसांपूर्वी तो सासुरवाडीत आला होता. तो चार वर्षाच्या मुलाला नेण्यासाठी आल्याचे सांगत होता. त्याची पत्नी आणि सासरची मंडळी मात्र फक्त मुलाला पाठविण्यास नकार देत होते. यावरून त्यांच्यात कुरबुर झाली होती.
दरम्यान, रात्री सर्व जण जेवण करून झोपल्यावर सचिनने छताच्या लाकडाला ओढणी बांधून गळफास घेऊन आत्महत्या केली. आज मंगळवारी पहाटे साडेतीन ते चार वाजताच्या सुमारास हा प्रकार समोर आला. तेव्हा त्याच्या मोबाइलवर आत्महत्या कशी करावी, याबाबतचा व्हिडिओ त्याने पाहिल्याचे दिसून आले. हा व्हिडिओ पाहून सचिनने गळफास घेतल्याचे त्याच्या पत्नीने पोलिसांना दिली.
महत्त्वाच्या बातम्या
- सलीम अली सरोवरातील मरण पावलेल्या माशांच्या मृत्यूस जबाबदार कोण? चौकशी सुरु
- बेड्सची संख्या वाढवली पण अडवणूकीच्या मानसिकतेचे काय ?
- उतार वयात इतकी बेइज्जती कुणाची होऊ नये; भाजप नेत्याचा घणाघात
- मिरची व्यापाऱ्याने जयंत पाटील यांना फसवले!
- ‘या’ कारणामुळे खासदार गिरीश बापट यांनी लिहले पंतप्रधान मोदींना पत्र
