‘वाझे प्रकरणाच्या गदारोळात संजय राठोडचे पाप झाकले जाणार नाही याची काळजी घेऊ’

🕒 1 min read

मुंबई : पूजा चव्हाण या २२ वर्षीय तरुणीने पुण्यातील वानवडी परिसरातील एका इमारतीवरून उडी मारत जीवन संपवले होते. पूजा चव्हाण ही मूळची परळीची होती. पूजा चव्हाण या तरुणीचे संबंध शिवसेना आमदार व माजी वनमंत्री संजय राठोड यांच्याशी जोडले गेल्यानंतर या प्रकरणात भाजपने कमालीची आक्रमक भूमिका घेतली होती.

काही फोटो व कथित ऑडिओ रेकॉर्ड्स समोर आले होते. यातील काही किल्प्समध्ये पूजाशी संजय राठोड यांचे संभाषण झाल्याचा आरोप भाजपने केला होता. या गंभीर आरोपांमुळे महाविकास आघाडीवरील दबाव वाढला होता. तसेच, अर्थसंकल्पीय अधिवेशनात अधिक अडचण वाढणार असल्याचे दिसताच मुख्यमंत्री उद्धव ठाकरे यांनी संजय राठोड यांच्या वनमंत्रीपदाचा राजीनामा घेतला होता.

तर सध्या, मुंबईत मुकेश अंबानी यांच्या घरासमोर गाडीत स्फोटक सापडल्या प्रकरणी मुंबई पोलीस दलाचे निलंबित अधिकारी सचिन वाझे यांना राष्ट्रीय सुरक्षा तपास यंत्रणा अर्थात एनआयएने (NIA) अटक केली आहे. या सर्व प्रकरणावर भाजपने मात्र महाविकास आघाडीला विशेषतः शिवसेनेला चांगलेच कोंडीत पकडले आहे. या प्रकरणामुळे राजकीय गोटात मोठी खळबळ माजली असताना पूजा चव्हाणचं प्रकरण मागे पडलंय का ? असा सवाल केला जात आहे.

वाझे प्रकरणाच्या गदारोळात संजय राठोडचे पाप झाकले जाणार नाही याची काळजी घेऊ…
पूजा चव्हाणला
न्याय मिळायलाच पाहिजे.

— Atul Bhatkhalkar (@BhatkhalkarA) March 19, 2021

दरम्यान, पूजा चव्हाणला न्याय मिळवून देणारच, हे प्रकरण मागे पडू देणार नाही अशी ग्वाही भाजप आमदार अतुल भातखळकर यांनी दिली आहे. यामुळे महाविकास आघाडीला कोंडीत पकडण्यात भाजप नेते कोणतीही कसूर सोडत नसल्याचं पुन्हा एकदा दिसून आलं आहे. ‘वाझे प्रकरणाच्या गदारोळात संजय राठोडचे पाप झाकले जाणार नाही याची काळजी घेऊ… पूजा चव्हाणला न्याय मिळायलाच पाहिजे.’ असं ट्विट अतुल भातखळकर यांनी केलं आहे.

महत्त्वाच्या बातम्या

• केंद्रातील ‘कुंभकर्ण सरकार’ला कधी जाग येणार ? जागतिक निद्रा दिनी जयंत पाटलांची खोचक टीका !
• ‘व्यवहार माझे, जबाबदार वाझे!’ अमृता फडणवीस यांची बोचरी टीका
• ‘मला शिवसेना कळली, त्यामुळे खैरेंची गरज नाही, अंबादास दानवेंचा पलटवार
• ठाकरे सरकारने घेतला मोठा निर्णय, कोरोनाबाबतचे अनेक निर्बंध पुन्हा एकदा लावण्यात आले
• पुणे जिल्हा परिषदेने पिकोफॉल-शिलाई मशीन खरेदीसाठी काढलेल्या निविदेच्या लिलावात गैरव्यवहार