औरंगाबाद मनपा निवडणुक : सर्वोच्च न्यायालयात होणार २० एप्रिल रोजी सुनावणी

औरंगाबाद : औरंगाबाद महानगरपालिका निवडणुकीचा वाद सध्या सर्वोच्च न्यायालयात प्रलंबित आहे. मध्यंतरी वॉर्ड आरक्षणावरून अनेकांनी आक्षेप घेतला होता. ९ मार्च रोजी हे प्रकरण सुप्रीम कोर्टाच्या रजिस्ट्रारसमोर ठेवण्यात आले होते. मात्र वेगवेगळ्या प्रतिवादींनी आपले शपथपत्र अजूनपर्यंत दाखल केलेले नाही. आता रजिस्टारने सुनावणीसाठी २० एप्रिल ही पुढची तारीख या प्रकरणी दिली आहे.

महापालिका निवडणुकीसंदर्भात सर्वोच्च न्यायालयात याचिका दाखल करण्यात आली आहे. या प्रकरणात आता रजिस्टार यांच्याकडे २० एप्रिल रोजी सुनावणी असून अद्यापपर्यंत चार महत्त्वाची शपथपत्रे दाखल करण्यात आलेली नाहीत. राज्य शासनाला चार आठवड्यात, तर राज्य निवडणूक आयोगाला शपथपत्र दाखल करण्यासाठी शेवटची संधी देण्यात आली आहे.

औरंगाबाद पालिका निवडणुकीची जाहीर झालेली प्रभाग रचना व वॉर्ड आरक्षण यावर समीर राजूरकर यांच्यासह इतरांनी सुप्रीम अर्थातच सर्वोच्च न्यायालयात आक्षेप घेत विशेष अनुमती याचिका दाखल केली आहे. न्यायालयाने या प्रकरणात परिस्थिती जैसे थे ठेवण्याचे आदेश दिले आहेत.

मात्र त्यानंतर एकदाही प्रकरण न्यायालयासमोर आलेले नाही. याचिकेतील वेगवेगळ्या प्रतिवादींनी आपले शपथपत्र अजूनपर्यंत का दाखल केले नाही? याबाबत अनेक प्रश्न उपस्थित होत आहेत. प्रशासन हे सरकारच्या हातचे बाहुले असल्यासारखे काम करीत असल्याचा आरोप इच्छुक उमेदवार करत आहेत

प्रतिवादींना शपथपत्र दाखल करण्याची संधी न्यायालयाने दिली आहे. आतापर्यंत फक्त महापालिका आयुक्त, महापालिका उपायुक्त महसूल, विभागीय आयुक्त यांनी शपथपत्र दाखल केले आहेत. राज्य शासन, राज्य निवडणूक आयोग, साखर आयुक्त, जिल्हाधिकारी यांनी शपथपत्र दाखल केले नाहीत.

राज्य निवडणूक आयोगाला शपथपत्र दाखल करण्याची शेवटची संधी असल्याचे म्हटले आहे. रजिस्टार यांच्याकडे महिनाभरात कोणाकोणाची शपथपत्र दाखल होतात, याकडे सर्वांचे लक्ष लागले आहे. त्यानंतर प्रकरण न्यायालयासमोर जाईल, अशी सूत्रांनी माहिती दिली.

महत्त्वाच्या बातम्या

• महाराष्ट्राची परिस्थिती बनली बिकट, कोरोनाच्या रुग्ण संख्येत होतेय झपाट्याने वाढ
• साथीच्या आजाराच्या पार्श्वभूमीवर जॅग्वार देणार कारमध्ये हे खास तंत्रज्ञान
• उद्धव ठाकरे हेच सचिन वाझेचे गॉडफादर : नारायण राणे
• जबरदस्तीने वीजबिल वासून कराल तर आम्ही कायदा हातात घेवू; राजू शेट्टींचा आक्रमक इशारा
• सुरू होता बालविवाह, पोलीस येताच वऱ्हाडींनी ठोकली धुम!