जळगाव – जळगाव महापौर, उपमहापौर निवडणुकीवरुन राजकारण चांगलेच तापले होते. जळगाव महापालिकेत काही वेळापूर्वी ऑनलाइन पद्धतीने जळगाव महानगरपालिकेचे महापौर उपमहापौरपदाची निवडणूक पार पडली. त्यामध्ये शिवसेनेच्या महापौर पदाच्या उमेदवार जयश्री महाजन विजयी झाल्या आहेत.
शिवसेनेकडून महापौरपदासाठी जयश्री महाजन तर भाजप मधील बंडखोर उमेदवार उपमहापौरपदासाठी कुलभूषण पाटील यांचे नाव निश्चित केले होते.भाजपातर्फे महापौर पदासाठी प्रतिभा कापसे तर उपमहापौरपदासाठी सुरेश सोनवणे यांनी उमेदवारी अर्ज दाखल केला होता.यानंतर पार पडलेल्या निवडणुकीत जयश्री महाजन यांना ४५ मते पडली तर कापसे यांना अवघी ३० मते मिळाली. उपमहापौर पदासाठी झालेल्या निवडणुकीत देखील असेच चित्र कायम राहिले.
या निवडणुकीत नगरविकास मंत्री एकनाथ शिंदे, पालकमंत्री गुलाबराव पाटील आणि खा. विनायक राऊत यांनी विशेष लक्ष दिले होते. दरम्यान, हा पराभव भाजपनेते गिरीश महाजन यांच्यासाठी मोठा धक्का मानला जात आहे.
गेल्या अडीच वर्षापासून पालिकेत भाजपाचाच महापौर होता. परंतु आता भाजप नगरसेवकांच्या एका गटाने बंडखोरी करत पक्षाच्या विरोधात जाण्याचा निर्णय घेतला आहे. भाजपाच्या 57 नगरसेवकांपैकी 27 नगरसेवक हे शिवसेनेत सामील झाले,त्यामुळे या निवडणुकीत सांगली पॅटर्न राबवल्याचे चित्र दिसून आले आहे.
महत्वाच्या बातम्या
- चौथा सामना जिंकण्यासाठी भारताला कराव्या लागतील ‘या’ चार गोष्टी
- नांदेड जिल्ह्यात कर्जबाजारी झालेल्या दोन शेतकऱ्यांची आत्महत्या
- परभणीकरांनी महानगरपालिकेचे थकवले ९३ कोटी; करवसुलीसाठी मनपा आक्रमक
- इशान किशनच्या फलंदाजी क्रमवारीत बदल केल्याने संजय मांजरेकरांची टिका
- युवराजची बॅट पुन्हा तळपली; पुन्हा केली षटकांराची बरसात
बातम्यांसाठी YouTube चॅनेल Subscribe करा
Subscribe Now
