रोहित पवार नाटक बंद करा, सरकार तुमचं आहे निर्णय घ्या : गोपीचंद पडळकर

🕒 1 min read

पुणे : राज्यात कोरोनाची स्थिती दिवसेंदिवस गंभीर होत आहे. त्याच पार्श्वभूमीवर या महिन्यात होणारी एमपीएससीकडून घेण्यात येणारी नियोजित राज्यसेवा पूर्वपरीक्षा पुढे ढकलण्यात आली आहे. ही परीक्षा 14 मार्च रोजी होणार होती. ही परीक्षा महाराष्ट्र लोकसेवा आयोगानं पुढे ढकलल्यामुळे पुण्यात परीक्षार्थ्यांमध्ये संताप पाहायला मिळत आहे. त्यांनी आंदोलन सुरु केलं आहे. पुण्यातील नवी पेठे येथे एमपीएससीच्या विद्यार्थ्यांनी रास्ता रोको केला. परीक्षा पुढे ढकलल्यामुळे विद्यार्थी आक्रमक झाल्याचं पाहायला मिळालं.

राज्य शासनानं परीक्षा पुढे ढकलल्यानं विद्यार्थ्यामंध्ये संतापाचं वातावरण आहे. पोलिसांकडून विद्यार्थ्यांची समजूत काढण्याचा प्रयत्न केला गेला. मात्र, विद्यार्थ्यांनी पोलिसांचं ऐकलं नाही. भाजपचे विधानपरिषदेचे आमदार गोपीचंद पडळकर या आंदोलनात सहभागी झाले आहेत. ११ ऑक्टोबर २०२० रोजी होणारी राज्य सेवा पूर्व परीक्षा मराठा आरक्षणप्रश्नी मराठा संघटनांनी आक्रमक भूमिका घेतल्यामुळे पुढे ढकलण्यात आली होती.

राष्ट्रवादीचे आमदार रोहित पवार यांनी परीक्षा झाली पाहिजे अशी भूमिका घेवून सरकारला घरचा आहेर दिला होता. ‘यापुढं कोरोनामुळे कोणतीही गोष्ट न थांबवता कोरोना प्रतिबंधक नियम पाळून आपल्याला पुढं जावं लागेल. त्यासाठी लोकही सहकार्य करतील असा विश्वास आहे. त्यानुसारच MPSCची परीक्षा झाली पाहिजे. मुख्यमंत्री साहेब आणि अजितदादा आपण याकडं लक्ष द्यावं, ही विनंती!’ असं ट्वीट रोहित पवार यांनी केलं होत.

याच पार्श्वभूमीवर मध्यामाकडून विचारलेल्या प्रश्नाला उत्तर देताना गोपीचंद पडळकर यांनी रोहित पवारांवर जोरदार प्रहार केला आहे. पडळकर म्हणाले कि ‘रोही पवारांनी नाटकी बंद करवी, सरकार तुमच आहे, निर्णय तुम्हीच घ्यायला हवा’ असा टोला त्यांनी रोहित पवार यांना लगावला आहे.

महत्त्वाच्या बातम्या

• लग्नसमारंभ,अधिवेशन चालतात मग परीक्षा का नाही; पृथ्वीराज चव्हाणांचा सरकारला घरचा आहेर
• परभणीमध्ये कुऱ्हाडीने मारहाण करून पायाची बोटे तोडली
• MPSC ची परीक्षा पुढे ढकलण्याचा निर्णय अतिशय दुर्दैवी : पंकजा मुंडे
• जायकवाडीची पाणीपट्टी थकवणाऱ्या औरंगाबाद ‘मनपा’वर कारवाई करणार कोण?
• विनामास्क फिरणार्‍याकडून महापालिकेच्या कर्मचार्‍यास मारहाण