पूजा चव्हाण प्रकरणी त्या मंत्र्याची एकनाथ शिंदेकडून पाठराखण

औरंगाबाद : बीड जिल्ह्यातील पूजा चव्हाण या तरुणीच्या आत्महत्येप्रकरणी महाविकास आघाडी सरकारच्या एका मंत्र्यावर आरोप होत आहे. याबाबत नगरविकास मंत्री एकनाथ शिंदे यांना विचारले असता त्यांनी सदर घटना दुर्दैवी असून मंत्र्यांच्या सहभागाबाबत अजून कोणतीच माहिती समोर आलेली नाही, त्यामुळे बोलणे उचित नाही अशी प्रतिक्रिया प्रसारमाध्यमांशी बोलतांना दिली.

नगर विकास मंत्री एकनाथ शिंदे यांनी आज महानगरपालिकेतील विविध विकास कामांचा आढावा घेतला. नगरविकास विभागाच्या विविध योजनांच्या प्रगतीचा अहवाल त्यांनी अधिकाऱ्यांकडून मागवून घेतला. या दरम्यान त्यांनी पत्रकारांशी संवाद साधला असता मंत्र्यांची पाठराखण केलीय.

दरम्यान महाविकास आघाडी सरकारमधील काही मंत्र्यांवर याप्रकरणी आरोप होत आहेत. मध्यंतरी सामाजिक न्यायमंत्री धनंजय मुंडे यांच्यावरही एका महिलेने बलात्काराचे आरोप केले होते. त्यावेळी मोठा गदारोळ उठला होता. आताही बीड जिल्ह्यातील एका तरुणीने पुण्यात आत्महत्या केली. या प्रकरणी सरकारमधील एका मंत्र्यावर आरोप होत आहेत. याबाबत शिंदे यांना विचारले असता त्यांनी सदर घटना दुर्दैवी आहे, मात्र यात मंत्र्यांच्या सहभागाबाबत अजून पुरावे हाती आले नाहीत. त्यामुळे काही टिप्पणी करणे योग्य होणार नाही, असे सांगत या विषयाला बगल दिली.

महत्त्वाच्या बातम्या 

• ‘ख्रिश्चन, मुस्लीम धर्मात धर्मांतरण करणाऱ्या व्यक्तीला आरक्षणाचा लाभ मिळणार नाही’
• नवनियुक्त सरपंच, उपसरपंच, ग्रामपंचायत सदस्यांना मिळणार ग्राम विकासाचे प्रशिक्षण
• थेट मंत्री संजय राठोड यांचं नाव जोडणे योग्य नाही – एकनाथ शिंदे
• लातुर जिल्हा महाराष्ट्र केसरी साठी सज्ज; ४५ मल्ल निवड चाचणीला हजर
• पूजा चव्हाण प्रकरणात कोणत्याही नेत्याचं नाव नाही, भाजप नेत्यांना खोटं बोलण्याची सवय – मलिक