सरपंचपदावरून बेदम मारहाण, निर्वाचित महिला सदस्याच्या सासऱ्यास बदडले

🕒 1 min read

फुलंब्री : तालुक्यातील वडोद बाजार पोलीस ठाणे हद्दीतील रांजणगाव येथे नुकतीच ग्रामपंचायत निवडणूक झाली आहे. येथील शामराव कोंडके यांच्या सून या निवडणुकीत निवडून आल्या आहेत. ‘तूच सरपंच हो’, असे म्हणत शामराव कोंडके यांना गावातील पोलीस पाटलाकडून मारहाण करण्यात आली.

रांजणगाव फुलंब्री येथे 15 जानेवारी रोजी झालेल्या ग्रामपंचायत निवडणुकीत शामराव बाबुराव कोंडके यांच्या सून ग्रामपंचायत सदस्य म्हणून निवडून आल्या आहेत. सरपंच पदावरून पोलीस पाटील व कोंडके परिवारात मतभेद होते. या पार्श्वभूमीवर 4 फेब्रुवारी रोजी पोलीस पाटील रामकृष्ण कोंडके व त्यांची मुले गौरव कोंडके, विजय कोंडके यांनी शामराव कोंडके यांना तू सरपंच हो म्हणत वाद सुरू केला. त्यावर शामराव कोंडके यांनी नकार दिला.

यामुळे संतापलेल्या पोलीस पाटील रामकृष्ण कोंडके व त्यांच्या मुलांनी शामराव कोंडके यांना चापट-बुक्क्यांनी मारत जिवे मारण्याची धमकी दिली. याबाबत वडोद बाजार पोलीस ठाणे येथे गुन्हा नोंदवण्यात आला आहे. सहायक पोलीस निरीक्षक संतोष तांबे यांच्या मार्गदर्शनाखाली पुढील तपास पोलीस हेड कॉन्स्टेबल डी. डी. निकम हे करत आहेत.

महत्वाच्या बातम्या

• कृषी कायद्यांविरोधात स्वाभिमानी शेतकरी संघटनेचा एल्गार, औरंगाबादेत चक्का जाम
• ‘भाजप-शिवसेनेची केंद्रात व राज्यात सत्ता असताना औरंगाबादचं नामांतर का झालं नाही?’
• गंगाखेडच्या व्यापाऱ्याला लुटणाऱ्या तीन जणांना अटक, पिस्तूलही केले जप्त
• अदानी पवारांच्या घरी गेल्यामुळे आता वीज बिल माफ होणार नाही : राज ठाकरे
• फोटोसेशनच्यावेळी फोटोग्राफरच्या कृत्यानंतर नवरदेवाने केले असे काही…