Bihar Election 2020 : भाजपाच्या स्टार प्रचारकांच्या यादीत मोदी-फडणवीस

🕒 1 min read

पाटना –बिहार विधानसभा निवडणुकीसाठी शिवसेना, राष्ट्रवादी कॉंग्रेस पाठोपाठ आता भाजपन आणि कॉंग्रेसनेही स्टार प्रचारकांची यादी जाहीर केली आहे. त्यात देवेंद्र फडणवीस या महाराष्ट्रातील एकमेव नेत्याचा समावेश आहे. त्यांच्याशिवाय पंतप्रधान नरेंद्र मोदी, गृहमंत्री अमित शहा, संरक्षण मंत्री राजनाथसिंह, भाजपाचे अध्यक्ष जे. पी. नड्डा, वस्त्रोद्योग मंत्री स्मृती इराणी, उत्तर प्रदेशचे मुख्यमंत्री योगी आदित्यनाथ यांचाही या यादीत समावेश आहे.

बिहार विधानसभा निवडणूक 28 ऑक्टोबर, 3 आणि 7 नोव्हेंबर अशा तीन टप्प्यांमध्ये होणार असून 10 नोव्हेंबर रोजी निकाल जाहिर होणार आहे. या निवडणुकीत जनता दल (संयुक्त) आणि भाजप यांच्या सत्ताधारी राष्ट्रीय लोकशाही आघाडीविरोधात (एनडीए) राष्ट्रीय जनता दल आणि काँग्रेसची महाआघाडी उभी राहिली आहे.

स्टार प्रचारकांच्या यादीत उत्तर प्रदेशचे मुख्यमंत्री योगी आदित्यनाथ यांचेही नाव आहे. त्यांच्या व्यतिरिक्त भाजपाची सत्ता असलेल्या अन्य कुठल्या राज्यातील मुख्यमंत्र्यांचा स्टार प्रचारकांमध्ये समावेश केलेला नाही. पक्षाध्यक्ष जे.पी.नड्डा यांनी आज बिहारमध्ये पहिली सभा घेतली. “मोदी हैं तो मुमकीन हैं, नितीश हैं तो संभव हैं” असा नारा नड्डा यांनी गया येथील सभेत दिला.

BJP releases a list of 30 star campaigners for upcoming #BiharElections2020

PM Modi, Home Minister Amit Shah, Defence Minister Rajnath Singh, party president JP Nadda, Union Minister Smriti Irani, UP CM Yogi Adityanath, Devendra Fadnavis and other leaders included in the list. pic.twitter.com/iKfGicyFLt

— ANI (@ANI) October 11, 2020

दरम्यान, बिहार विधानसभा निवडणुकीसाठी राष्ट्रवादी-शिवसेना या पक्षांनी आपल्या स्टार प्रचारकांची यादी जाहीर केल्या नंतर आता काँग्रेसने स्टार प्रचारकांची यादी जाहीर केली आहे. 30 जणांच्या या स्टार प्रचारकांच्या यादीत महाराष्ट्रातून केवळ काँग्रेस नेते संजय निरुपम यांचा समावेश करण्यात आला आहे.

महत्वाच्या बातम्या-

• चीनच्या मदतीने पुन्हा कश्मीरात 370 लागू करू, फारुख अब्दुला यांचे विषारी फुत्कार
• ‘राहुल आणि प्रियंका गांधी यांना शेळ्यामेंढ्यामधला फरक सुद्धा कळणार नाही’
• ‘तरुणांना रोजगार उपलब्ध व्हावेत यासाठी शासनासह वैयक्तिक स्तरावर प्रयत्नशील’
• ‘सोशल मिडियावर एखाद्याला शिवीगाळ करणं… ट्रोल करणं… खाजगी आयुष्यात डोकावणं चुकीचं’
• परळी झोपडपट्टी मुक्त करण्यासाठी ६००० घरकुले बांधणार ; धनंजय मुंडेंचा संकल्प