औरंगाबाद : शहरात वाढता कोरोना संसर्ग रोखण्यासाठी महापालिकेने सर्व ११५ वॉर्डात कोरोना लसीकरणाची जम्बो मोहीम हाती घेतली आहे. या मोहिमेअंतर्गत शासन निर्देशांन्वये ४५ वर्षांवरील सर्व प्रकारच्या नागरिकांना कोरोला लस दिली जात आहे. अवघ्या काही दिवसांतच ४५ ते ५९ वर्षांवरील सुमारे ६० हजार नागरिकांनी कोरोना लसीचा पहिला डोस घेतला आहे. तर दुसरीकडे ६० वर्षांवरील ज्येष्ठ नागरिकांकडून मात्र या मोहिमेला कमी प्रतिसाद मिळत असल्याचे दिसत आहे.
कोरोना संसर्ग रोखण्यासाठी देशभरात १६ जानेवारीपासून लसीकरणाला सुरवात करण्यात आली. एक एप्रिलपासून ४५ वर्षावरील नागरिकांना लसीकरण करण्याचा चौथा टप्पा सुरू झाला आहे. गतवर्षी कोरोनावर ठोस औषध उपलब्ध नव्हते. पण आता लस उपलब्ध झाल्याने जास्तीत जास्त लसीकरण करून कोरोनाचा संसर्ग आटोक्यात आणला जाऊ शकतो, असे तज्ञांचे मत असल्याने टप्प्याटप्प्याने लसीकरणाची गती वाढविली जात आहे.
पालिकेने ५ एप्रिलपासून जम्बो लसीकरण मोहीम हाती घेतली आहे. सोबतच व्यापारी, बँक कर्मचारी, कामगारांना लसीकरण केले जात आहे. पालिकेसह शासकीय १२१ व खासगी २८ अशा १४९ लसीकरण केंद्रांतंर्गत ही मोहीम राबवली जात आहे. मागील पंधरा दिवसांत या मोहिमेला चांगला प्रतिसाद मिळाला आहे. त्यानुसार बुधवारपर्यंत एप्रिलपर्यंत ४५ ते ५९ वर्षांवरील ५९,२२५ नागरिकांनी कोरोना लसीचा पहिला डोस घेतला आहे. मात्र ६० वर्षांवरील ज्येष्ठ नागरिकांमध्ये ४९ हजार ७६१ ज्येष्ठांनीच कोरोना लसीचा पहिला डोस घेतला आहे.
महत्त्वाच्या बातम्या
- अजितदादांना मुंबईत बसायचे असेल तर पुण्याचा पालकमंत्री बदलवा – चंद्रकांत पाटील
- गावात कोरोनाचा शिरकाव होऊ नये या साठी ग्रामस्थांनी दक्ष राहावे – अमित देशमुख
- एसटी बंद तर रेल्वे सुरु! बाहेरगावी जाणाऱ्या प्रवाशांचे हाल
- वैजापुरात नाभिक समाजाचे मुंडण आंदोलन; विविध मागण्यांसाठी आंदोलनाचा पाचवा टप्पा
- दररोज ५० हजार डोसेसची गरज मिळाले, फक्त बारा हजार; जालन्यात लसीकरणाला उद्या ब्रेक?
