🕒 1 min read
औरंगाबाद : ओमायक्रॉन विषाणूने औरंगाबादकरांची चिंता वाढवली आहे. औरंगाबादमधील एका व्यक्तीचा ओमायक्रॉन चाचणी अहवाल पॉझिटिव्ह आला असून या रुग्णावर सध्या मुंबईच्या रुग्णालयामध्ये उपचार सुरु आहेत. तर इंग्लंडहून आलेल्या कुटुंबातील एक तरुणी देखील ओमायक्रॉन पॉझिटिव्ह आहे. त्याचप्रमाणे विदेशातून प्रवास करून आलेल्या प्रवाशांची दररोज कोरोना चाचणी केली जात आहे. यामध्ये पॉझिटिव्ह आलेल्या व्यक्तींचा अहवाल जिनोम सिक्वेन्सींगसाठी पुण्याला देखील पाठवले जात आहे. आता अशाच 40 जणांच्या अहवालाची औरंगाबाद प्रशासनाला प्रतिक्षा आहे.
औरंगाबादची रहिवासी असलेल्या पण इंग्लडमध्ये स्थायिक असलेल्या एका युवतीचा जिनोम सिक्वेसिंग चाचणीचा अहवाल पॉझिटिव्ह आला असून तिच्यावर मुंबईत उपचार सुरु आहे. आता तिच्या वडिलांचा जिनोम सिक्वेन्सिंगचा अहवाल देखील पॉझिटिव्ह आला असून त्यासोबतच दुबईतून आलेल्या आणि सिडको एन-7 येथे राहत असणाऱ्या एका व्यक्तीचा जिनोम सिक्वेन्सिंग अहवाल पॉझिटिव्ह आला आहे. शहरात ओमायक्रॉन विषाणूचा संसर्ग झाला आहे, असे मनपा आरोग्य वैद्यकीय अधिकारी डॉ. पारस मंडलेचा यांनी सांगितले आहे.
कोरोनानंतर आलेले नवे संकट म्हणजे ओमायक्रॉन. ओमायक्रॉनच्या रुग्णांमध्ये दिवसेंदिवस वाढ होतांना दिसून येत आहे. गेल्या काही दिवसात आढळलेल्या रुग्णांमध्ये औरंगाबादच्या रुग्णाचा समावेश असल्याने औरंगाबाद प्रशासन खडबडून जागे झाले आहे. ओमायक्रॉन पॉझिटिव्ह आढळून आलेल्या भागातील रहिवाशांना सदर रुग्णाच्या नातेवाईकांना क्वारंटाईन करण्यात आले आहे. त्यानंतर इंग्लंड वरून आलेल्या कुटुंबातील एक सदस्य मुंबई या ठिकाणी उपचार घेत आहे.
याच ओमायक्रोनग्रस्त तरुणीच्या वडिलांच्या अहवालाची प्रतीक्षा केली जात आहे. औरंगाबाद जिल्ह्यात देशातून आलेल्या प्रत्येक प्रवाशाची विमानतळावर कोरोना तपासणी केली जात आहे. आता अशाच प्रवाशांपैकी 40 प्रवाशांचा कोरोना रिपोर्ट पॉझिटिव्ह आला आहे. त्यामुळे खबरदारीचा उपाय म्हणून या सर्वांचे अहवाल पुण्याला पाठवण्यात आले आहेत. हे 40 प्रवासी ओमायक्रोन पॉझिटिव्ह आहेत की नाही हे लवकरच कळेल. आता या प्रवाशांचा अहवालाकडे सर्वांचे लक्ष लागलेले आहे.
महत्त्वाच्या बातम्या
- “नितेश राणेंच्या बालिशपणाने कोकणाची मान खाली गेली”
- “सफाई कामगाराने आत्महत्या केली, आता ३ जणांचे निलंबन करुन काय फायदा?”
- शाळेबाबत अद्याप निर्णय नाही; राजेश टोपेंची माहिती
- …म्हणून मेनका गांधींनी माझी भेट घेतली; आव्हाडांनी केला त्या भेटीचा खुलासा
- केंद्र सरकार पुन्हा कृषी कायदे आणण्याच्या तयारीत?; केंद्रीय कृषीमंत्र्यांचं धक्कादायक वक्तव्य
बातम्यांसाठी YouTube चॅनेल Subscribe करा
Subscribe Now
