अजित पवारांच्या बैठकीनंतर पुण्यातील १६ भाजप नगरसेवक राष्ट्रवादीत प्रवेश करणार?

पुणे : पुण्यात उपमुख्यमंत्री अजित पवार यांची बैठक झाली. या बैठकीनंतर भाजपचे १६ नगरसेवक (BJP Corporators) राष्ट्रवादीत (NCP) प्रवेश करणार आहे. असा खळबळजनक दावा पुण्याचे राष्ट्रवादीचे शहराध्यक्ष प्रशांत जगताप यांनी केला आहे. यामुळे पुण्यातील राजकारणात एकच खळबळ उडाली आहे. नगरसेवकांच्या पक्ष प्रवेशाबाबत उपमुख्यमंत्री अजित पवार यांनी हिरवा कंदिल दाखवल्याचेही जगताप म्हणाले.

प्रशांत जगताप एका वृत्तवाहिनीला प्रतिक्रिया देताना म्हणाले, ‘पुणे महानगर पालिकेची प्रभाग रचना जाहीर झालेली आहे. प्रभाग रचना जाहीर झाल्यानंतर १६ भाजपच्या नगरसेवकांनी माझ्याशी संपर्क साधला. प्रभाग रचना त्यांनी बघितल्यानंतर आणि भाजपची स्थिती पाहता त्यांना वाटले की, राष्ट्रवादीशिवाय आपल्याला आता पर्याय नाही. असे त्यांचे सर्वांचे मत झालेले आहे. पुण्याला मेट्रो सिटी करण्याचे अजित दादांचे स्वप्न आहे. हे स्वप्न पूर्ण करण्यासाठी आम्ही सर्व जण मिळून प्रयत्न करणार आहे. काही दिवसातच या नगरसेवकांचा प्रवेश सोहळा टप्प्याटप्प्याने अजित दादांच्या उपस्थितीत होणार आहे. अशी खात्री मला आहे. असे जगताप यावेळी म्हणाले.’

भाजपच्या नगरसेवकांच्या पक्ष प्रवेशाबाबत उपमुख्यमंत्री अजित पवार (Ajit Pawar) यांच्याशी चर्चा झाली, असाही दावा जगताप यांनी केला आहे. तसेच या नगरसेवकांची प्रशांत जगताप यांच्याशी बैठक झाल्याचा दावाही त्यांनी केला आहे. त्यामुळे पुण्याच्या राजकीय गोटात खळबळ माजली आहे.

महत्वाच्या बातम्या

• भारत विरुद्ध वेस्टइंडीज एकदिवसीय  मालिका येत्या ६ फेब्रुवारी पासून

• ‘धक्का बुक्की नही करणेका, टपाटप, टपाटप…’; रुपाली पाटलांचा हिंदुस्तानी भाऊवर पुन्हा एकदा निशाणा

• अभिनेता राजकुमार रावने केला वैवाहिक आयुष्यावर खुलासा, म्हणाला…“पत्रलेखाशी लग्न केल्यानंतर”

• ‘या अर्थसंकल्पातून सर्वच घटकांची निराशा’; नाना पटोलेंची प्रतिक्रिया

• “हा अर्थ संकल्प म्हणजे जुमालेबाजी…”; नवाब मालिकांचा हल्लाबोल