महाराष्ट्र देशा | राजाभाऊ मोगल : ‘बिनधास्त काव्या’ या नावाने यूट्यूब चॅनेल चालवणारी ‘काव्या’ शुक्रवार (ता.९) पासून घरातून गायब असल्याची तक्रार दाखल करण्यात आली आहे. अभ्यासाच्या कारणावरून तिचे वडील तिच्यावर रागावले होते. त्यानंतर ती रागाच्या भरात निघून गेली असावी, असे तिच्या वडिलांनी तक्रार अर्जात म्हटले आहे. याप्रकरणी फूस लावून पळविणे भा. द.वी. कलम 363 नुसार छावणी पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक गणेश केदार हे करीत आहेत.
काव्या च्या यूट्यूब चॅनेलला 4 मिलीयन पेक्षा जास्त सब्सक्राईबर्स आहेत. तिच्या चॅनेलचं नाव ‘बिनधास्त काव्या’ असं आहे. या तरुणीने अगदी कमी वयात यशाची उंच भरारी घेतली आहे. मात्र, तिच्या अचानक बेपत्ता झाल्याने तिचे आई-वडील प्रचंड चिंतेत आहेत. काव्याच्या कुटुंबियांना आणि मित्रवर्गीयांना देखील तिच्याबाबत विचारपूस करण्यात आली. तरी देखील तिचा पत्ता लागला नाही. संबंधित तरुणीचा मोबाईल घरी असून तिच्याकडे मोजकेच पैसे असल्याने तिचे पालक अतिशय चिंतेत आहेत.
दरम्यान, काव्याच्या आई-वडीलांनी काव्याच्या युट्यूब चॅनेल वर एक व्हिडिओ अपलोड केला असून काव्याच्या शोधासाठी पोलीस मदत करत नसल्याचा आरोप त्यांनी केला आहे. त्यांचा हा आरोप तपास अधिकारी गणेश केदार यांनी फेटाळून लावत काव्याचे आई- वडीलचं तपासात सहकार्य करीत नसल्याचे म्हटले आहे. तिच्या मित्र-मैत्रिणीचे नंबरही त्यांनी दिलेले नाहीत.
पाहा व्हिडीओः
https://youtu.be/Lv7Azqh_Roo
काव्याच्या आई-वडीलांची आर्त हाक-
प्रसिद्ध युट्युबर बिनधास्त काव्याच्या आई-वडिलांनी सोशल मीडियावर एक व्हिडीओ पोस्ट केला आहे. यामध्ये त्यांनी आर्त हाक दिली आहे. “आमची मदत करा. काव्याला सर्वजण ओळखतात. तिचा मोबाईल पण आमच्या जवळ आहे. तिच्याकडे केवळ दोनच हजार रुपये आहे. शुक्रवार दुपारपासून काव्या घरी परतली नाही. तिच्याबद्दल माहिती मिळाली तर आम्हाला छावणी पोलिसांना कळवा,” अशी विनंती युट्युबर काव्याच्या आईवडिलांनी केली आहे.
महत्वाच्या बातम्याः
- Navneet Rana | “नवनीत राणा तुला मी आता सोडणार नाही” ; पोलीस कर्मचाऱ्याच्या पत्नीचा इशारा
- Congress vs Bjp | राहुल गांधींनी घातला 41 हजारांचा टी-शर्ट! भाजपच्या आरोपांना काँग्रेसचं उत्तर! म्हणाले, “मोदींचा सूट…”
- Mohit Kamboj |”गणेशोत्सव,दहीहंडीच्या शुभेच्छाही द्यायला विसरले”; भाजपच्या ‘या’ नेत्याचा ठाकरेंवर निशाणा
- Sunil Raut | संजय राऊतांच्या जामीनीसाठी भाऊ सुनील राऊत धावले! मातोश्रीवरुन थेट दिल्लीला
- Mohit Kamboj | याकूब कबरीप्रकरणावरून मोहित कंबोज यांचा उद्धव ठाकरेंवर हल्लबोल
