🕒 1 min read
बीड: राज्यात कोरोनाचा संसर्ग दिवसेंदिवस वाढतच आहे, तसेच रुग्णसंख्येची वाढ देखील मोठ्या प्रमाणात होत आहे. या वाढत्या संसर्गाला रोखण्यासाठी शासन तसेच स्थानिक प्रशासन अनेक उपाययोजना करत आहेत. याच सोबत लसीकरण मोहीम सुद्धा देशभरात तसेच राज्यात मोठ्या प्रमाणात सुरु आहे, नागरिकांचा देखील याला चांगला प्रतिसाद मिळत आहे. याच पार्श्वभूमीवर गेवराई येथे नगरपालिकेत लसीकरण गुरुवार पासून सुरु होणार आहे.
आमदार लक्षमण पवार यांच्या उपस्थितीत गुरुवारी सकाळी उद्घाटन करण्यात येणार असल्याची माहिती नगराध्यक्ष सुशील जवंजाळ यांनी दिली आहे. कोरोनो नावांच्या विषाणूने पुन्हा डोके वर काढले आहे. त्यामुळे कोरोना प्रतिबंधक लसीकरणाची गती वाढवणे अत्यंत आवश्यक आहे. त्यामुळे गेवराई नगरपालिकेत लसीकरण केंद्र सुरू होणार असल्याची माहिती नगराध्यक्ष सुशील जवंजाळ यांनी दिली आहे.
कोरोनाने महाराष्ट्रात मोठ्या प्रमाणात थैमान घातले आहे. दररोज रुग्णांची संख्या वाढू लागली आहे. त्यामुळे कोरोना प्रतिबंधक लसीकरणाची गती वाढवणे अत्यंत आवश्यक आहे. आरोग्य अधिकारी व कर्मचारी व नगरपालिका यांच्या माध्यमातून गेवराई नगरपालिकेत गुरुवार, दि. १५ एप्रिलपासून लसीकरण केंद्र सुरू होणार आहे. आमदार लक्ष्मण पवार यांच्या उपस्थितीत गुरुवारी सकाळी १० वाजेपासून नगरपालिका सभागृहात लसीकरण केंद्राला सुरुवात होणार आहे तरी ४५ वर्षाच्या पुढील नागरिकांनी लसीकरणाचा लाभ घ्यावा, असे आवाहन नगराध्यक्ष सुशील जवंजाळ यांनी केले आहे.
महत्वाच्या बातम्या
- ‘आम्ही कोरोनावर नियंत्रण मिळवलं होतं मात्र भाजपामुळे संसर्ग पुन्हा वाढला’
- राज्यपालांनी आपापल्या राज्यांच्या मुख्यमंत्र्यांना सक्रीय सहकार्य करावं – नायडू
- चिंता वाढली! जालन्यात ११६ हॉटस्पॉट,लोकांच्या येण्या-जाण्यावर नियंत्रणाची गरज
- खासदार श्रीकांत शिंदे दुसऱ्यांदा कोरोना पॉझिटीव्ह
- दु:खद! ‘या’ वर्ल्डकप हिरोच्या आईचे कोरोनामुळे निधन
