मुंबई: केंद्रीय मंत्री नारायण राणे तथा त्यांचे पुत्र नितेश राणे यांच्यावर दिशा सालियन बदनामी प्रकरणी (Disha Salian defamation case) मालवणी पोलीस ठाण्यात गुन्हा दाखल करण्यात आला होता. (Charges filed against Narayan Rane and Nitesh Rane) सालियन कुटुंबीयांच्या तक्रारीवरून हा गुन्हा दाखल झाला होता. मात्र याप्रकरणी राणे पिता-पुत्रांना दिंडोशी कोर्टाकडून अंतरिम दिलासा मिळाला आहे. त्यांना १० मार्चपर्यंत अटक न करण्याचे न्यायालयाने आदेश दिले आहेत.
दरम्यान या पार्श्वभूमीवर आता नितेश राणे यांनी ट्वीट करत अप्रत्यक्ष इशारा दिला आहे. “खेळ तुम्ही सुरु केला, संपवणार आम्ही.”, असे ट्वीट त्यांनी केले आहे. सोबतच त्यांनी #JusticeForDishaSalian असेही म्हटले आहे. त्यामुळे आता हे प्रकरण वेगळ्या वळणावर जाणायची शक्यता वर्तवण्यात येत आहे.
Khel aapne shuru kiya hai..
khatam hum karenge..Nyay milega!! #JusticeForDishaSalian
— Nitesh Rane (@NiteshNRane) March 5, 2022
दरम्यान दिशा सालियनवर लैंगिक अत्याचार करून हत्या झाली तसेच ती गरोदरही होती, असा दावा नारायण राणे यांनी केला होता. त्यावर सालियन कुटुंबीयांनी आक्षेप घेत आमच्या मुलीची बदनामी थांबवा असं आवाहन केलं होतं. तसेच या प्रकरणी सालियन कुटुंबीयांनी राज्य महिला आयोगाकडेही दाद मागितली होती.
नेमके प्रकरण काय?
अभिनेता सुशांतसिंग राजपूतच्या आत्महत्येच्या काही दिवसांपूर्वी दिशाने घराच्या बाल्कनीतून उडी मारत स्वतःचे आयुष्य संपवले होते. यानंतर दिशाच्या आत्महत्येची चौकशी सुरु होऊन दिशा आणि सुशांतच्या आत्महत्येचा काही संबंध आहे का? याबाबत चौकशी केली जात होती. त्यात दिशावर लैंगिक अत्याचार करत तिची हत्या करण्यात आली, असा संशयही काही जणांनी व्यक्त केला होता. त्यातच नारायण राणे यांनी ट्वीट करत याबाबत माहिती दिली होती.
नारायण राणेंचे ‘ते’ ट्वीट-
खासदार विनायक राऊत यांच्यासाठी खास बातमी लवकरच सुशांतसिंग व सामुदायिक बलात्कार करून तिची हत्या केली त्या दिशा सालियन या दोघांचीही आत्महत्या नव्हे हत्या झाली. त्यांचीही चौकशी परत होईल एवढेच नाही तर मातोश्रीच्या चौघांवर ईडीची नोटीस तयार असल्याचे कळाले. विनायक राऊत हे घडल्यावर आपले “बॉस ” आणि आपण कुठे धावणार?
महत्वाच्या बातम्या
- OBC Reservation : प्रभाग रचनेसह सर्व प्रक्रिया स्वत:कडे घेण्याचा मंत्रिमंडळाचा निर्णय
- “खंडणी, वाजे, नबाब मलिक हीच या सरकारची ओळख”, केशव उपाध्येंचा टोला
- IND vs SL: काय सांगता! विराट कधी आणि किती धावांवर बाद होणारा ठरल होत; ट्विट होतंय व्हायरल
- “राज्यपालांच्या खांद्यावर फडणवीसांची बंदूक”, संजय राऊतांचे मोठे वक्तव्य
- “सत्ता गेली याचा इतका राग…”, संजय राऊतांचा भाजपला जोरदार टोला
बातम्यांसाठी YouTube चॅनेल Subscribe करा
Subscribe Now
