Yashomati Thakur | यशोमती ठाकुर यांनी गणरायाकडे घातलं ‘हे’ साकडं

🕒 1 min read

मुंबई :  सध्या सगळीकडे आनंदाचं, शांती, मंगलमय वातावरण आहे. कारण सर्वांच्या घरी आपल्या सर्वांचे लाडके बाप्पा आले आहेत. गणेशोत्सव हा सण सगळीकडे खूप उत्साहात साजरा केला जातो. संपूर्ण सृष्टीचा पालनकर्ता, विग्घहर्त्याचा हा सण असतो. सर्वसामान्यांपासून ते मोठं मोठ्या माणसांच्या घरी गणपती बाप्पांचे आगमन होतं असते. अनेकजण बाप्पाकडे आपली एक इच्छा व्यक्त करत असतात. जेणेकरून ती इच्छा त्याने पूर्ण करावी. यामध्ये राजकीय नेत्यांचाही समावेश होतो. अशातच काँग्रेस पक्षाच्या नेत्या, महाराष्ट्राच्या महिला व बालविकास मंत्री आणि अमरावती जिल्ह्याच्या पालकमंत्री यशोमती ठाकूर यांनीही गणरायाकडे एक साकडं घातलं आहे.

यशोमती ठाकूर यांचे गणारायाकडे साकडं-

निर्बंधमुक्त गणेशोत्सव साजरा होत असल्याने सर्वांसाठी आनंदी आणि सुखाचा गणेशोत्सव साजरा होऊ देत, असं साकडं त्यांनी गणरायाकडे घातलं आहे. त्याचबरोबर त्यांनी गणेशोत्सवातील आपल्या लहानपणीच्याही काही आठवणी सांगितल्या असल्याचं समजतं आहे. यशोमती ठाकूर यांनी त्यांच्या घरी यावेळी हत्तीवर बसलेल्या गणरायाच देखावा केला आहे.

तसेच त्या पुढे म्हणाल्या की, या वर्षीचा गणेशोत्सव त्याच्यासाठी खूप खास असून, येत्या दोन तीन महिन्यांमध्ये प्रेक्षकांना त्यांचे नवीन कामही पाहता येणार असल्याचं यशोमती ठाकूर यांनी सांगितलं आहे.

निर्बंधमुक्त गणेशोत्सव-

दरम्यान, कोरोना विषाणूमुळे गेली दोन वर्ष गणेशोत्सव सर्व निर्बंध पाळून साजरा करण्यात आला. मात्र यावर्षी निर्बंधमुक्त साजरा करता येत असल्यामुळे सर्वच गणेश भक्तांच्या चेहऱ्यावर एक वेगळ्याच प्रकारचा आनंद पाहायला मिळत आहे. हा आनंद पुढचे सात दिवस आपल्या पाहायला मिळणार आहे.

महत्वाच्या बातम्या :

• Eknath Shinde । एकनाथ शिंदे मिलिंद नार्वेकरांच्या निवासस्थानी; राजकीय वर्तुळात चर्चांना उधाण
• Shivsena | “नव हिंदुत्ववाद्यांना मंदिरातील हार-फुलांचे वावडे का बरे असावे?”; शिवसेनेचा सवाल
• Sanjay Raimulkar । बोगस डॉक्टर डिग्री प्रकरण भोवणार? संजय रायमूलकर यांच्याविरोधात याचिका दाखल
• Shivsena | “हिंदुत्ववाद्यांच्या राज्यात फुलं फक्त मंत्र्यांसाठी, देव कोरडेच!”
• Nana Patole | महाराष्ट्रातलं ईडी, भाजपप्रणित सरकार हे इव्हेंटबाज- नाना पटोले