राष्ट्रवादी काँग्रेस देणार भाजपला मोठा धक्का? ‘या’ बड्या नेत्याच्या पक्षप्रवेशाच्या चर्चा!

🕒 1 min read

मुंबई : १०५ आमदार निवडून येऊन सुद्धा विरोधी पक्षपदावर समाधान मानाव्या लागणाऱ्या भाजपला मोठा धक्का बसण्याची शक्यता वर्तवली जात आहे. भाजपमधील नेत्याची तथाकथित नाराजी वेळोवेळी समोर आली आहे. तर आता या नाराजीचा उद्रेक होऊन पक्ष बदलाच्या हालचालींना वेग आल्याचे आज सकाळपासून होणाऱ्या राजकीय बैठकांवरून वर्तवले जात आहे.

उत्तर महाराष्ट्रामधील भाजप नेता राष्ट्रवादीच्या संपर्कात आहे. त्यामुळे याच भागातून पक्ष प्रवेशाला सुरुवात होणार असून भाजपचे अन्य काही नेते देखील राष्ट्रवादी काँग्रेसमध्ये प्रवेश करणार अशा चर्चाना उधाण आलं आहे. यासंबंधी राष्ट्रवादी काँग्रेसच्या कार्यालयात शरद पवार, उपमुख्यमंत्री अजित पवार आणि प्रदेशाध्यक्ष जयंत पाटील यांच्यासह उत्तर महाराष्ट्रातील राष्ट्रवादी आमदारांची बैठक सुरू आहे. इतर पक्षातील विशेषतः भाजपातील नेत्यांना यांना राष्ट्रवादीमध्ये पक्षप्रवेश द्यायचा का याबाबत खलबत सुरू असल्याची चर्चा आहे.

नाथाभाऊच ठोकणार राम-राम?

भाजपचे ज्येष्ठ नेते एकनाथ खडसे यांना सोयीस्करपणे राजकारणातुन डावलण्यात आल्याचे आरोप खुद्द त्यांनीच काही भाजप नेत्यांवर लावले होते. यानंतर अनेक वेळा देवेंद्र फडणवीस यांच्यावर असलेल्या नाराजीची खदखद त्यांनी माध्यमांमध्ये व्यक्त केली होती. मात्र, भाजप पक्षाला अडचणीच्या काळात उभारी देणाऱ्या नेत्यांपैकी एक असल्याने पुन्हा सक्रिय होण्याची संधी मिळेल या आशेवर एकनाथ खडसे अजूनही भाजपमध्येच आहेत.

महत्वाच्या बातम्या :

• सरकार बदल्या, टेंडर वाटपात गुंग! आशिष शेलारांचा महाविकास आघाडीवर बोचरी टीका
• मराठा आरक्षण आणि पोलिस भरती संदर्भातील मागण्यांसाठी मराठा समाजाचे संगमनेरमध्ये रास्ता रोको आंदोलन
• #मराठा_आरक्षण : खा. संभाजीराजेंनी मागितली मोदींच्या भेटीची वेळ, मात्र…
• महापालिकेच्या स्थायी समिती सभापती पदासाठी आ.संग्राम जगताप यांची भूमिका निर्णायक ठरण्याची शक्यता
• संसद सदस्य अशोभनीय वागले नसते तर कदाचित पवारांना उपवास घोषित करावा लागला नसता : फडणवीस