संगमनेर : न्यायालयाकडुन मराठा आरक्षणाला स्थगिती मिळाल्यानंतर मराठा समाज आक्रमक झाला आहे. ठिकठिकाणी मराठा समाजाकडून आंदोलन करण्यात येत आहे तर संगमनेरमध्येही सकल मराठा समाजाकडुन आपल्या मागण्यांसाठी सुमारे अर्धा ते पाऊण तास रास्ता रोको आंदोलन करुन संगमनेर शहरातुन जाणारा पुणे-नाशिक हायवे मार्ग अडवण्यात आला होता.
दरम्यान, पोलीस भरतीची घोषणा करण्यात आली जे की मराठा समाजाला चेतवुन जखमेवर मिठ चोळण्यासारखेच आहे. ‘मराठा आरक्षणा संदर्भात ठोस निर्णय जो पर्यंत होत नाही तो पर्यंत हि पोलीस भरती स्थगित करावी’ अशीही मागणी आंदोलकांकडून सातत्याने होत आहे. शहरात आंदोलक कर्त्यांकडुन मोठी घोषणाबाजीही करण्यात आली आणि मोर्चा देखील काढण्यात आला.
या आंदोलनात मराठा समाजाचे हजारो बांधव सहभागी झाल्याचे पाहायला मिळाले तसेच यावेळी कायदा व सुव्यवस्था आबादीत रहावी यासाठी मोठा पोलिस बंदोबस्तही ठेवण्यात आला होता. या आंदोलना मध्ये सोशल डिस्टंसिंगचा पुरता फज्जा उडालेला पाहायला मिळाला. त्यामुळे कोरोनाचा धोका अजूनच वाढण्याची शक्यता आहे.
महत्वाच्या बातम्या :-
