मुंबई : महाराष्ट्रातील उद्धव ठाकरे सरकारवर संकटाचे ढग दाटून आले आहेत. पक्षाचे दिग्गज नेते आणि मंत्री एकनाथ शिंदे हे आसाममधील एका हॉटेलमध्ये एकूण ४० आमदारांसह उपस्थित आहेत आणि सरकार स्थापन करण्याच्या त्यांच्या आग्रहावर ठाम आहेत. सूत्रांनी दिलेल्या माहितीनुसार, ठाकरे यांनी एकतर भाजपसोबत सरकार बनवावे किंवा स्वत:कडे लक्ष द्यावे, असे एकनाथ शिंदे यांचे म्हणणे आहे. असे न केल्यास एकनाथ शिंदे ४० आमदारांची आनंद सेना स्थापन करू शकतात असे सांगण्यात येत आहे.
शिवसेनेचे प्रबळ नेते आणि महाविकास आघाडी सरकारमधील मंत्री एकनाथ शिंदे यांनी त्यांच्या आमदारांच्या गटासह सुरतमधील मेरिडियन हॉटेलमध्ये बराच वेळ मुक्काम केला. शिवसेनेकडून बंडखोर शिंदे यांच्याशी समझोता करण्याचा प्रयत्न करण्यात आला. काल दिवसभर नाट्यमय घटना घडल्या. शिंदे यांनी दबावाखाली काही आमदारांना सुरतला नेल्याचा आरोप करण्यात आला. अनेकांचे मन वळविण्याचा शिवसेनेचा प्रयत्न फसला. एकनाथ शिंदे आपल्या निर्णयावर ठाम असून आता सुरतहून एकनाथ शिंदे यांची फौज गुवाहाटी येथील रॅडिसन हॉटेलवर पोहोचली आहे. दरम्यान, शिंदे यांनी आपल्यासोबत 40 आमदार असल्याचा दावा केला असल्याने ते आनंद सेना स्थापन करू शकतात असे सांगण्यात येत आहे.
संजय राऊत यांची प्रतिक्रिया –
उद्धव ठाकरेंनी मुख्यमंत्रीपदाचा राजीनामा देणार असल्याचे संकेत काल लाइव्हमध्ये दिले आहेत. यानंतर शिवसेना खासदार संजय राऊत यांनी या संदर्भात माध्यमांशी बोलताना प्रतिक्रिया दिली आहे. संजय राऊत म्हणाले, “शिवसेना हा पक्ष स्वतंत्र आहे आणि विधिमंडळ पक्ष वेगळा आहे. मुख्यमंत्र्यांनी कोणतीही बैठक बोलवली नाही. बैठक नाही फक्त आमदार भेटणार आहेत आणि त्यानंतर दोन आमदार शिंदे कडून आलेत त्यांची पत्रकार परिषद होणार आहे. १२ नंतर शिवालय किंवा वर्षावर होईल”.
महत्वाच्या बातम्या –
