मुंबई : महाराष्ट्राचे कुलदैवत असलेल्या जेजुरी येथील खंडोबा गडावर पुण्यश्लोक आहिल्यादेवी होळकर यांचा पूर्णाकृती पुतळा उभारण्यात आला आहे. या पुतळ्याचे उद्या १३ फेब्रुवारीला राष्ट्रवादीचे अध्यक्ष शरद पवार यांच्या हस्ते अनावरण होणार आहे. या सोहळ्याला छत्रपतींचे वंशज खासदार संभाजीराजे, होळकर घराण्याचे १६ वे वंशज यशवंतराव होळकर, बारामतीच्या खासदार सुप्रिया सुळे, पुरंदरचे आमदार संजय जगताप, तसंच महत्त्वाचे नेते उपस्थित राहणार आहेत.
शरद पवारांच्या हस्ते या पुतळयाच उद्घाटन होण्याआधीच भाजपचे आमदार गोपीचंद पडळकर यांनी मेंढपाळांच्या हस्ते पुतळ्याचं उद्घाटन केलं
पण पडळकर यांना हे प्रकरण अंगलट येण्याची शक्यता आता नाकारता येत नाही. गोपीचंद पडळकर यांच्यावर गुन्हा दाखल झाल्याने त्यांच्या अडचणी वाढू शकतात. अहिल्यादेवी होळकर पुतळा अनावरण प्रकरणी जमावबंदी आदेशाचं उल्लंघन केल्याचा ठपका ठेवत गोपीचंद पडळकर यांच्यावर गुन्हा दाखल झालाय. जेजुरी पोलिस ठाण्यात गोपीचंद पडळकर यांच्यासह अन्य कार्यकर्त्यांवरही गुन्हा दाखल झाला आहे. जमावबंदी आदेशाचं उल्लंघन व पोलीस कामात अडथळा यासह विविध कलमांतर्गत गुन्हा दाखल झाल्याची माहिती मिळत आहे.
दरम्यान, विधान परिषदेचे विरोधी पक्ष नेते प्रवीण दरेकर यांनी या सर्व घटनाक्रमावर भाष्य केले आहे. त्यांनी पडळकर यांच्या कारवाईवर प्रश्न उपस्थित केला आहे. इतरांनी अनधिकृतरित्या केलेल्या उद्घाटनावर कारवाई नाही, मग पडळकरांवरच कारवाई का? असा सवालही त्यांनी उपस्थित केला. ‘कायदा सगळ्यांसाठी समान असला पाहिजे. मात्र, आमच्यावर तत्काळ गुन्हा दाखल केला’, अशी खंत त्यांनी व्यक्त केली.
महत्वाच्या बातम्या
- सिनेस्टाईल खूनाचा उलगडा; दारू पाजली, गळा आवळला, पेट्रोल टाकून गाडी दरीत लोटली
- पक्षात माझा जीव गुदमरतोय म्हणत ममतांच्या खासदाराचा राजीनामा, तृणमूलला गळती सुरूच
- आजपासून 2000 रुपयांचं डिस्काऊंटसह खरेदी करा रीअलमीचा ‘हा’ नवीन स्मार्टफोन
- पंतप्रधान पदावरच्या व्यक्तीने विरोधकांच्या भूमिकेवर यु-टर्न सारखी शेरेबाजी करणे शोभते का ?
- धुळ्यासाठी २१० कोटींचा प्रारुप आराखडा मंजूर-अब्दुल सत्तार
