पंढरपूर : मंगळवेढा-पंढरपूर मतदारसंघाचे राष्ट्रवादीचे आमदार भारत भालके याच्या निधनानंतर रिक्त असलेल्या पंढरपूर-मंगळवेढा मतदारसंघाची पोटनिवडणूक चांगलीच चुरशीची होणार आहे.पंढरपूर-मंगळवेढा मतदारसंघाच्या पोटनिवडणुकीसाठी भाजपकडून उमेदवार जाहीर करण्यात आला आहे. समाधान महादेव आवताडे यांना भाजपकडून या मतदारसंघासाठी उमेदवारी देण्यात आली आहे.
आवताडे यांनी 2014 ला शिवसेनेकडून निवडणूक लढवली होती. तर 2019 ला ते अपक्ष म्हणून निवडणुकीच्या रिंगणात उतरले होते. समाधान आवताडे हे उद्योजक आहेत. समाधान आवताडे यांना आमदार परिचारक गटाने पाठिंबा दिल्याने त्यांना भाजपकडून उमेदवारी देण्यात आली आहे.
पंढरपूर विधानसभा पोटनिवडणूक भाजपातर्फे समाधान आवताडे यांना उमेदवारी जाहीर
— Keshav Upadhye (@keshavupadhye) March 29, 2021
दरम्यान, या पोटनिवडणुकीत महाविकास आघाडीकडून भालके कुटुंबातील व्यक्तीला उमेदवारी जवळपास निश्चित आहे. शिवसेना व स्वाभिमानीने बंडखोरी करत उमेदवारी अर्ज दाखल केले आहेत. शिवाय वंचित बहुजन आघाडी, एमआयएमसह अनेक अपक्ष उमेदवारही रिंगणात उतरण्याच्या तयारीत आहेत.
दरम्यान,आमदार परिचारक गटाने समाधान अवताडे याना पाठिंबा देण्याचे मान्य करत पंढरपुर शहरासह 22 गावांतून मताधिक्य देण्याचा शब्दही पक्षश्रेष्ठींना दिला आहे. त्यामुळेच आवताडेंना भाजपकडून उमेदवारी देण्यात आली आहे. अवताडे यांचे सर्वपक्षीय नेत्यांशी चांगले संबंध असल्याचा फायदा त्यांना होऊ शकेल असा अंदाज वर्तविण्यात येत आहे.
कोण आहेत समाधान अवताडे?
समाधान आवताडे हे दामाजी सहकारी कारखान्याचे विद्यमान संचालक व चेअरमन आहेत. तसेच ते उद्योजक म्हणून पण ओळखले जातात. समाधान आवताडे यांनी 2014 साली शिवसेनेकडून पंढरपूर, मंगळवेढा निवडणूक लढवली होती. 2019 साली अवताडे यांनी अपक्ष निवडणूक लढवली होती, यामध्ये त्यांचा निसटता पराभव झाला. ग्रामीण भागामध्ये अवताडे गटाचे चांगलेच वजन आहे. पोटनिवडणूक जाहीर होण्याच्या आधीच त्यांनी प्रचाराला सुरुवात केली होती.
महत्वाच्या बातम्या
- ये बॅट हमको दे, दे ठाकूर ; शार्दुलच्या शानदार षटकारावर स्टोक्स फिदा
- ‘…आता तरी रहस्य कथेचा शेवट करा’; शाह-पवारांच्या भेटीवर संजय राऊतांच भाष्य
- शार्दुल-भुवनेश्वरला पुरस्कार न मिळाल्याने विराट भडकला, म्हणाला…
- ‘नाईट कर्फ्यू’चा सायना चित्रपटाच्या कमाईवर परिणाम! बिग बींचा ‘चेहरे’ लांबणीवर पडणार?
- मराठी कलाकार झाले रंगात बेधुंद ; जोडीदारासोबत पहिलीच होळी
बातम्यांसाठी YouTube चॅनेल Subscribe करा
Subscribe Now
